Guðlax
From Wikipedia, the free encyclopedia
Guðlax (fræðiheiti: Lampris guttatus) er fiskur af guðlaxaætt. Hann er mikill einfari og veiðist helst sem aukaafli. Framboð af honum ræðst einkum af veiði á túnfiski og sverðfiski sem hann heldur sig oft í samfloti við. Heimkynni hans eru í hitabeltinu en hann hefur þó flækst á Íslandsmið.
Guðlax | ||||||||||||||
---|---|---|---|---|---|---|---|---|---|---|---|---|---|---|
Lampris guttatus | ||||||||||||||
Ástand stofns | ||||||||||||||
Vísindaleg flokkun | ||||||||||||||
| ||||||||||||||
Tvínefni | ||||||||||||||
Lampris guttatus Brünnich, 1788[1] | ||||||||||||||
Samheiti | ||||||||||||||
|
Guðlax er mjög feitur fiskur með mildu bragði og ljósrauðu kjöti og er því oft líkt við lax. Kjötið af guðlaxinum er af fernum toga, allt frá ljósrauðu kjöti frá sporði að kviðnum sem er bleikur á lit. Kinnarnar eru dökkrauðar. Undir kjaftinum er lítill vöðvi sem er rauðbrúnleitur eins og lifur og þegar hann er soðinn bragðast hann einna líkast kálfakjöti. Þetta er fyrsta fisktegundin sem uppgötvaðist að væri með jafnheitt blóð, en þeir geta haldið hluta af líffærum sínum 2° yfir umhverfishita. Það gefur þeim betri sjón, sneggri viðbrögð og hraðari sundtök.