![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/9/90/Valeriana_officinalis_-_Niitv%25C3%25A4lja.jpg/640px-Valeriana_officinalis_-_Niitv%25C3%25A4lja.jpg&w=640&q=50)
Garðabrúða
From Wikipedia, the free encyclopedia
Garðabrúða (Valeriana officinalis) er harðgerð fjölær jurt sem tilheyrir garðabrúðuætt en fáar ættkvíslir eru í ættinni og garðabrúða er sú eina sem er vel þekkt hér á landi. Garðabrúða blómgast í júlí til ágúst og vex villt á mörgum stöðum á landinu og er ræktuð víða til skrauts.[1] Garðabrúða finnst á engjum, síkjum, oft í kalkbornum jarðvegi, og allt uppí 2,400 m hæð.[2] Heimkynni hennar eru aðallega Evrópu og Asíu.[1]
Garðabrúða | ||||||||||||||||
---|---|---|---|---|---|---|---|---|---|---|---|---|---|---|---|---|
![]() | ||||||||||||||||
Vísindaleg flokkun | ||||||||||||||||
| ||||||||||||||||
Tvínefni | ||||||||||||||||
Valeriana officinalis L. | ||||||||||||||||
![Thumb image](http://upload.wikimedia.org/wikipedia/commons/thumb/d/d2/Valeriana_officinalis.jpg/640px-Valeriana_officinalis.jpg)
Garðabrúða heitir á latínu Valeriana officinalis en nafnið er dregið af rómverska mannsnafninu Valeríus[1] og þýðir að vera heilbrigður eða hugrakkur þar sem garðabrúða var lengi notuð sem lækningajurt.[3]
Þrátt fyrir að hafa verið notuð í hefðbundnum lækningum sem róandi lyf eða sem svefnlyf eru ekki til góðar vísbendingar um að jurtin hjálpi til við svefnleysi.[4] Garðabrúða hjálpar ekki til við fótaóeirð[5] eða kvíða.[6]