Dyngjujökull

Dyngjujökull er skriðjökull sem gengur út af Vatnajökli í norðurátt og er vestan við Kverkfjöll. Jökulsá á Fjöllum á efstu upptök sín í Dyngjujökli.

Eldgos í Holuhrauni og Dyngjujökull þar til suðurs

Dyngjujökull er vanur að skríða fram á 20-25 ára fresti og þá 1-2 km í senn. Fyrsta þekkta framhlaup hans varð árið 1934 og svo hljóp hann 1951, 1977-1978 og svo í nóvember 1999 og í júlí árið 2000. Fleiri skriðjöklar á Íslandi eiga þetta til, til dæmis: Síðujökull, Tungnárjökull, Kaldalónsjökull og Leirufjarðarjökull í Drangajökli, og líka Hagafellsjökull, sem gekk út í Hagavatn árið 1999 og olli stórvandræðum í Hvítá, og svo Brúarjökull, en hann er mestur af þeim öllum í þessu tilliti.

Gos í Dyngjujökli

Gos var talið vera brjóta sér leið upp úr Dyngjujökli þann 23. ágúst 2014 að undangenginni mikilli jarðskjálftahrinu. Daginn eftir töldu menn að ekkert gos hefði verið undir jöklinum.

Tenglar

• „Eldgos á Dyngjuhálsi á 18. öld“; grein í Náttúrufræðingnum 1986

  Þessi landafræðigrein sem tengist Íslandi er stubbur. Þú getur hjálpað til með því að bæta við greinina.