![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/0/08/Bj%25C3%25B8rn%25C3%25B8ya_Location_Map-nb.svg/langis-640px-Bj%25C3%25B8rn%25C3%25B8ya_Location_Map-nb.svg.png&w=640&q=50)
Bjarnarey (Svalbarða)
From Wikipedia, the free encyclopedia
Bjarnarey (norska: Bjørnøya) er syðsta eyjan í eyjaklasanum við Svalbarða. Eyjan er í vesturhluta Barentshafs. Hollensku landkönnuðurnir Willem Barents og Jacob van Heemskerk fundu Bjarnarey þann 10. júní árið 1596. Eyjan er nefnd eftir ísbirni sem þeir sáu á sundi nálægt eyjunni. Bjarnarey hefur hernaðarlega þýðingu og reyndu mörg ríki að fá eyjuna undir yfirráðasvæði sitt. Eyjan komst undir yfirráð Noregs árið 1920.
![Thumb image](http://upload.wikimedia.org/wikipedia/commons/thumb/0/08/Bj%C3%B8rn%C3%B8ya_Location_Map-nb.svg/640px-Bj%C3%B8rn%C3%B8ya_Location_Map-nb.svg.png)
![Thumb image](http://upload.wikimedia.org/wikipedia/commons/thumb/2/28/Ile_aux_ours.jpg/320px-Ile_aux_ours.jpg)
![Thumb image](http://upload.wikimedia.org/wikipedia/commons/thumb/7/76/Bjoern12.jpg/320px-Bjoern12.jpg)
Í eyjunni hefur verið námavinnsla og þar voru stundaðar fiskveiðar og hvalveiðar. Eyjan var notuð sem bækistöð fyrir hval-, rostungs- og selveiðar og þar var góð eggjatekja. Búseta þar hefur hins vegar ekki varað nema nokkur ár í einu og er eyjan nú óbyggð fyrir utan veðurathugunarstöð sem þar er. Eyjan var friðlýst sem náttúruverndarsvæði árið 2002.