Beyoncé
bandarísk söngkona / From Wikipedia, the free encyclopedia
Beyoncé Giselle Knowles-Carter (f. 4. september 1981), betur þekkt sem Beyoncé (borið fram: Bíjonsei) er bandarísk söngkona, lagahöfundur og leikkona. Hún er fædd og uppalin í Houston, Texas og gekk í marga listaskóla og keppti í mörgum söng- og danskeppnum sem barn, en varð fræg á seinni hluta 10. áratugarins sem forsprakki hljómsveitarinnar Destiny's Child. Faðir hennar, Mathew Knowles, var umboðsmaður hljómsveitarinnar sem varð ein vinsælasta stúlknasveit allra tíma. Hlé á störfum sveitarinnar gaf af sér fyrstu plötu Knowles, Dangerously in Love (2003) sem færði henni miklar vinsældir; seldist í 11 milljónum eintaka, hlaut fimm Grammy verðlaun og gaf af sér smellina „Crazy in Love“ og „Baby Boy“.
Heimildir skortir fyrir staðhæfingum í þessari grein. Ef þú vilt bæta við heimild vinsamlegast bættu þeim við undir nýrri fyrirsögn („Heimildir“) eða skildu eftir athugasemd á spjallsíðunni. |
Beyoncé | |
---|---|
Fædd | Beyonce Giselle Knowles 4. september 1981 (1981-09-04) (42 ára) |
Önnur nöfn |
|
Störf |
|
Ár virk | 1997–í dag |
Maki | Jay-Z (g. 2008) |
Börn | 3 |
Tónlistarferill | |
Stefnur | |
Hljóðfæri | Rödd |
Útgefandi |
|
Meðlimur í | The Carters |
Áður meðlimur í | Destiny's Child |
Vefsíða | beyonce |
Undirskrift | |
Í kjölfar upplausnar Destiny's Child árið 2005 gaf hún út aðra sólóplötuna sína, B'Day (2006) sem innihélt smellina „Irreplaceable“ og „Beatiful Liar“. Knowles hélt einnig út í leiklistina og hlaut tilnefningu til Golden Globe verðlaunanna fyrir hlutverk sitt í Dreamgirls (2006), ásamt því að leika í kvikmyndunum The Pink Panther (2006) og Obsessed (2009). Hjónaband hennar og Jay-Z og hlutverk hennar sem Etta James í Cadillac Records (2008) varð henni innblástur fyrir þriðju plötuna, I Am... Sasha Fierce (2008) þar sem annað sjálf hennar, Sasha Fierce, birtist. Platan veitti henni sex Grammy verðlaun árið 2010, þ.á m. fyrir lag ársins („Single Ladies (Put a Ring on It)“). Knowles tók sér hlé frá tónlistinni árið 2010 og tók við stjórnun ferils síns og kannaði R&B tónlist 8. áratugarins, rokk, afríska tónlist og funk. Í kjölfarið var stefna fjórðu plötu hennar, 4 (2011), tilraunakenndari, og tónlist fimmtu plötu hennar, Beyoncé (2013) flokkast sem raf-R&B tónlist.
Knowles hefur sjálf lýst sér sem „nútíma-femínista“, og fjalla lög hennar oft um ástina, sambönd og einkvæni, sem og kynferði konunnar og mátt hennar. Á sviði hefur hún sterka nærveru og vel útfærða dansa, enda hafa gagnrýnendur útnefnt hana eina bestu manneskjuna í skemmtanaiðnaðinum. Á ferli sínum hefur hún unnið 32 Grammy verðlaun, selt yfir 200 milljónir platna um allan heim ásamt því að hafa selt 60 milljónir platna með Destiny's Child. Árið 2013 var hún á lista tímaritsins Time yfir 100 áhrifamesta fólk heimsins.[1]