![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/a/a8/BCIA_Aerial.jpg/640px-BCIA_Aerial.jpg&w=640&q=50)
Beijing Capital-alþjóðaflugvöllurinn
alþjóðaflugvöllur í Kína / From Wikipedia, the free encyclopedia
Alþjóðaflugvöllur Beijing Capital (IATA: PEK, ICAO: ZBAA) (kínverska: 北京首都国际机场; rómönskun: Běijīng Shǒudū Guójì Jīchǎng) er meginflughöfn Beijing, borghéraðs og höfðborg Alþýðulýðveldisins Kína. Flugvöllurinn sem kenndur er við höfuðborgina Beijing, er umsvifamesti flugvöllur Kína. Hann er ásamt Daxing alþjóðaflugvelli einn af tveimur helstu flugvöllum sem þjóna höfuðborginni. Hann þjónar bæði innanlands- og millilandaflugi.
![Mynd af Beijing Capital alþjóðaflugvellinum séðum úr lofti.](http://upload.wikimedia.org/wikipedia/commons/thumb/a/a8/BCIA_Aerial.jpg/640px-BCIA_Aerial.jpg)
![Mynd af flughlaði Beijing Capital flugvallarins í sólarupprás.](http://upload.wikimedia.org/wikipedia/commons/thumb/d/dc/Sunrise_of_Beijing_Capital_International_Airport.jpg/640px-Sunrise_of_Beijing_Capital_International_Airport.jpg)
![Mynd af farþegamiðstöðvum eitt og tvö á Beijing Capital flugvellinum séðar úr lofti.](http://upload.wikimedia.org/wikipedia/commons/thumb/d/d9/Airport%2C_Airport_Overview_JP6592103.jpg/640px-Airport%2C_Airport_Overview_JP6592103.jpg)
Flugvöllurinn er staðsettur um 32 kílómetrum norðaustur af miðborginni. Hann hefur þrjár farþegamiðstöðvar og þrjár flugbrautir.
Flugvöllurinn er í eigu og rekinn af félaginu Beijing Capital International Airport Company Limited, sem er ríkisrekið fyrirtæki. IATA flugvallarkóði vallarins, PEK, er byggður á fyrrum rómönsku nafni borgarinnar, Peking.
Flugvöllurinn er afar umsvifamikill og umferðarþungi hans hefur vaxi hratt síðastliðna áratugi. Hann er í dag annar fjölfarnasti flugvöllur heims hvað varðar farþegaflutninga. Fáir flugvellir veraldar eru umsvifameiri í famflutningum.
Árið 2019 afgreiddi flugvöllurinn meira en 100 milljónir farþega og um 2 milljónir tonna af farmi.