Sis-dia milito

La Sis-dia milito^[1] (Hebree: ששת הימים, Miljemet sheshet ha-yamim) —anke konocata kom la milito di 1967 (Arabe: حرب 1967) esis milito inter Israel e koalisuro di Araba landi, qua inkluzis Unionita Araba Republiko —lor l'oficala nomo di Egiptia—, Siria, Jordania ed Irak eventinta de la 5ma til la 10ma di junio 1967.

Sis-dia milito
Militisti israelana observas destruktita milital equipuri Egiptiana.
Konflikto:
Dato:	5ma til la 10ma di junio 1967
Loko:	Proxim Oriento
Rezulto:	Decidigiva Israelana vinko. Israelani okupas peninsulo Sinai, Cisjordania, Gaza e kolini di Golan.
Militanti
Israel	↔	Egiptia Siria Jordania Irak Saudi-Arabia (20 mil soldati sendita a Jordania) Libano (atakita ye la 5ma di junio)
Komanderi
Levi Eshkol Militisti: Ichak Rabin Moshe Dayan Ariel Sharon Uzi Narkis Israel Tal Mordechai Hod	↔	Gamal Abdel Nasser Nureddin al-Atassi Hafez al-Assad (ministro pri defenso Siriana) Abdul Rahman Arif Faisal di Saudi Arabia lokala komandinti
Trupi/equipuri
50 mil soldati (264 mil, inkluzite la rezervo-trupi) 197 avioni	↔	Egiptia: 240 mil soldati Siria, Jordania, Libano ed Irak: 307 mil soldati 957 avioni 2504 tanki Sovietiana 2 avioni Libanana
Perdaji
777 mortinti 2563 vunditi 15 militala kaptiti (oficala fonti)	↔	Egiptia: 9800 til 15 mil mortinti o desaparinti, 4338 militala kaptiti e 45 mil vunditi Jordania: 696 til 700 mortinti, 2500 vunditi e 533 militala kaptiti Siria: 1000 til 2500 mortinti, 357 til 591 militala kaptiti Irak: 10 mortinti, 30 vunditi Libano: 1 aviono. Mili di tanki destruktita, e 452 avioni (kalkulita)
{{{perdaji}}}

Mapo pri 6-Dia milito

Pos diversa frontierala konflikti inter Israel e vicina Araba landi, nome Siria, lora prezidanto Egiptiana Gamal Abdel Nasser ekpulsis la trupi del Unionita Nacioni (UNEF) de la peninsulo Sinai en mayo 1967.^[2][3] Paco-trupi del Unionita Nacioni restabis en la regiono depos 1957, pos finir tale nomizita "krizo di Suez" ye l'antea yaro. Egiptia mantenis 1000 tanki e cirkume 100 000 soldati an la frontiero kun Israel^[4] e klozis la stretaji di Tiran por omna navi portanta Israelana standardo, o qui transportis strategiala vari ad Israel, operaco suportita forte da altra Araba nacionis.^[5][6] La reakto Israelana esis mobilizar e rekrutar 70 mil rezervo-trupi por pluforteskar lua defensi.^[7]

Israel, timanta atako Egiptiana, lansis preventiv atako kontre Egiptian aer-armeo. Jordaniana trupi, lor komandinta da generalo Egiptiana, atakis Israelana urbi Ierusalem e Netanya. Kande la milito, Israel konquestabis la peninsulo Sinai, Gaza, Cisjordania (Westala Rivo), Estal Ierusalem (inkluzite tale nomizita "anciena Urbo") e la kolini di Golan.

La 6-Dia Milito esas parto di tale nomizita "konflikto Araba-Israelana", qui komencis pos la kreo dil stato Israel en 1948, en parto ek l'olima "mandato Britaniana en Palestina. Ca 6 dii stimulis mondal atento en 1967, e divenis importanta en la geopolitiko regionala: lua konsequi esis granda, e durabas til nun. Li anke havis decidigiva influi en posa eventi, inkluzite en regionala militeti, en la milito di Yom Kipur, en la masakro di Israelan atleti dum l’Olimpiala Ludi en München, 1972, en la polemiko pri kolonii Juda che Westala Rivo e la situaciono di Ierusalem, en la paco-pakti di Kamp David ed Oslo, ed en l'Intifada.^[8]