Siena

Siena esas chef-urbo di la provinco samnoma en Toskania, Italia. Ol havis 52 774 habitanti ye la 3ma di novembro 2012. Lua tota surfaco esas 118 km².

Siena
Placo Piazza del Campo e palaco Palazzo Comunale, en Siena.
Standardo	Blazono
Lando:	Italia
Regiono:	Toskania
Provinco:	Provinco Siena
Informo:
Latitudo:	43°19'07” N
Longitudo:	11°19'50” E
Altitudo:	322 m
Surfaco:	118.53 km²
Habitanti:	52 774 (2012)
Denseso di habitantaro:	445.24 hab./km²
Horala zono:	UTC+1
Urbestro:	Bruno Valentini (PD)
Mapo:
Oficala retosituo:
www.comune.siena.it

Fonto Gaia, en Siena.

Siena esis importanta bankala centro dum la 13ma e la 14ma yarcenti. Ibe anke jacas la maxim anciena banko de la mondo, Monte dei Paschi, qua operacas kontinue depos 1472. Ol ank esis importanta centro pri arti dum Renesanco. Importanta piktisti naskis ibe, exemple Duccio, Ambrogio Lorenzetti, Simone Martini e Stefano di Giovanni, konocata kom Sassetta.

Historio

Homi ja habitis la regiono dum neolitiko. Etruriani fondis l'urbeto Saenae e vivis en la regiono de 900 ak til cirkume 400 aK. Romani fondis urbo Saena Julia en la sama loko dum la regno di Augustus, ma l'urbo ne prosperis.

Kristanismo nur arivis en la regiono pos la 4ma yarcento, e l'urbo nur developis pos l'invado di Lombardiani. En 1115 la Republiko Siena kreesis. Ol duris dum plu kam 4 yarcenti, til la yaro 1555. Ante la nigra pesto, qua komencis en 1348, l'urbo havis 50.000 habitanti dum lua ora epoko.

Pos l'Italiana milito de 1551 til 1559 l'urbo esis vinkita da lua rivala Dukio Firenze, qua recevis helpi de Hispana imperio.