From Wikipedia, the free encyclopedia
Hispana Imperio (Hispane: Imperio español), historiale konocata kom Hispana monarkio esis l'ensemblo di omna teritorii qui administresis da Hispana dinastii dum la historio. Ol konsistis ek rejii, vicerejii, provinci ed altra teritorii, administrita da Hispana monarki de 1492 til 1976.
Un ek la maxim granda imperii de la Historio, Hispania kontrolis vasta teritorio transmara en Amerika, de la fino dil 15ma yarcento til la komenco dil 19ma yarcento, ed anke Filipini e Guam che Pacifiko, e teritorii en Afrika, Europa ed Oceania. Ol atingis lua maxim granda extenso dum la 18ma yarcento: 20 milion km². Tamen, kelka historiisti, exemple Raymond Carr, afirmas ke ol esis mem plu vasta de 1580 til 1640, kande la kroni di Hispania e Portugal unionesis.
La mariajo inter tale nomizita "katolika reji", Isabel la 1ma di Kastilia e Fernando la 2ma di Aragon, unigis la du kroni en la sama dinastio, kreinta pose moderna absolutista stato. L'expanso di Kastilia che Atlantiko komencis dum la fino dil 14ma yarcento, kande multa expedicioni sendesis a Kanarii, qui konquestesis komplete erste en 1496. En Iberia, tale nomizita Reconquista finis ye la 2ma di januaro 1492, kande rejio Granada, la lasta Mohamedana rejio en la peninsulo, kapitulacis.
Ank en 1492 Cristoforo Colombo departis de Kanarii, ed ye la 12ma di oktobro sam yaro desembarkis en Karibia, komencinta l'expanso di Hispana imperio en Amerika.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
