Pan European Game Information (Tot-Europana Ludala Informado, abreviata PEGI) esas Europana sistemo evaluanta e klasifikanta videoludi, por helpi la konsumeri (precipue la gepatri) informeskesar pri omna tipo de videoludi per diversa piktogrami qua videsas sur la kontenanta buxi.
Emblemo di Pan European Game Information
PEGI uzesas en plu kam 30 landi. Ol konsistas ek 5 evala kategorii e 8 deskripti pri la kontenajo di videoludo.
Segun evo
Plusa informi Piktogramo, Deskripto ...
Piktogramo
Deskripto
2003
2009
2010
La ludo konsideresas kom adaptita ad omna evi. Nam ol ne kontenas soni od imaji qua povas timigi pueri. Tamen aceptesas pasabla violenti en kuntexto komika o infantala, ma ne grosiera parolomaniero.
La ludo deskonsilesas ad infanti evanta ante 7 yari. Nam ol kontenas ceni o soni terorigiva. Tamen aceptesas tre pasabla violenti, t.e. violenti implicita, nedetaloza o nerealismala.
La ludo deskonsilesas a yuni evanta ante 12 yari. Olu povas montrar violento per plu grafika formo rilate imaginala enti e/o violento negrafika vers homa enti. Olu povas montrar anke sexuala insinuaji o sexuala suteni en lejera kadro. Olu povas anke propozar hazardoludo.
La ludo deskonsilesas a yuni evanta ante 16 yari. Olu povas montrar violento e/o sexualeso realismala. Olu tale povas kontenar explicita violento, mala parolomaniero, sexuala referi o kontenaji, ma anke hazardoludi od uzado di alkoholo, tabako e drogo (quale instigo).
La ludo destinesas ad adulti. Olu povas kontenar extrema violento kun montro di kruda violento, di senmotiva ocido, di violento kontre sendefensa homi o di diskriminaco. Olu povas anke gloriizar uzado di nelegala drogi, explicita sexuala kontakti e hazardoludi.
Klozez
En Portugal du ek la PEGI-kategorii asociesis kun la klasifiko pri cinemo por evitar ula konfundo: "4" vice "3"; "6" vice "7".
Anke Finlando modifikis plura kategorii: "11" vice "12"; "15" vice "16". Ma ye la 1ma di januaro2007 Finlando adoptis komplete la klasifikala sistemo di PEGI.
Segun kontenajo
Plusa informi Piktogramo, Deskripto ...
Piktogramo
Deskripto
Expliko
Korespondanta evi
Violento
La ludo kontenas violento nek realismala nek detaloza (PEGI 7), violento en imaginala medio o nerealismala violento kontre homa roli (PEGI 12) o violento explicita, sangoza o kruda.
Mala parolomaniero
La ludo kontenas pasable mala parolomaniero (PEGI 12) o grosieraji, insulti, blasfemi o sexuala parolachi.
Pavoro
La ludo kontenas ceni qui povas terorigar o perturbar pueri (PEGI 7) o terorigiva soni o efekti sen videbla violento.
Sexualeso
La ludo kontenas ceni qui montras od aludas sexuala agi (PEGI 12), ceni kun nudeso sen videbla genitorgano (PEGI 16) o ceni explicita (PEGI 18).
Drogi
La ludo kontenas ceni qui montras od aludas uzado di drogo, tabako od alkoholo.
Hazardoludi
La ludo instigas o docas pri hazardoludi.
Diskriminaco
La ludo kontenas ceni qui instigas o montras diskriminaco pri raso, etnio, genro, sexuala prefero od altra stereotipi.
Interreto
La ludo posibligas ludar Interrete e kun plura kunludanti.
Enluda kompri
La ludo propozas aquirar plusaji (vivi, armi, plusa vesti, edc.) po reala pekunio.