From Wikipedia, the free encyclopedia
Konfuceismo esas sistemo di pensado e konduto qua originis en anciena Chinia. Multafoye deskriptita kom tradiciono, filozofio, religio, humanismala o racionala religio, formo di guvernar o simple formo di vivar,[1] Konfuceismo evolucionis de la pose surnomizita "cent skoli di pensado", qui originis de la docadi da Chiniana filozofo Konfucius (551 aK til 479 aK).
.jpg)
Konfucius judikis su propra kom transmisero di kulturala valori developita dum la dinastii Xia (c. 2070 aK til 1600 aK), Shang (c. 1600 aK til 1046 aK) e Zhou (c. 1046 aK til 250 aK). Konfuceismo supresesis dum l'autoritatoza dinastio Qin (221 aK til 206 aK), ma transvivis. Dum la dinastio Han (206 aK til 220) ol itere divenis importanta ideologio.
La centrala valori di Konfuceismo esas familiala e sociala harmonio, la kompato filiala (孝, Xiao), ren (仁, "boneso"), Lǐ (禮 / 礼), qua esas sistemo di normi e rituali quin ula individuo mustas praktikar por divenar en harmonio kun la Cielo. Konfuceismo anke kredas en spiriti o deaji (shen).[2]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
