L'expresuro koncentreyo aplikesas kande olca uzesas por enkarcerigar personi sen yusta legala proceso. La 4ma Konvenciono di Genève, establisita en 1949 e signatita da 194 landi, protektas civila personi retenita da enemiki dum tempo di militi.
La maxim konocata koncentreyi konstruktesis da naziisti ante e dum la Duesma mondomilito. La naziisti anke konocis destrukto-koncentreyi, koncentreyi destinita por destrukto di personi.
Sep extermino-koncentreyi
Konzentrationslager (KL) Auschwitz o KL Auschwitz-Birkenau (IFA: ˈaʊʃvɪts), fakte tri koncentreyi: KL Auschwitz I (Stammlager), KL Birkenau (Auschwitz II) i KL Monowitz (Auschwitz III) – en urbo Oświęcim, vilajo Brzezinka e Monowice (olima vilajo, e nun ja urbo-parto di Oświęcim), provinco Mikrapolonia, Polonia
SS-Sonderkommando Belzec o Dienststelle Belzec der Waffen SS – proxim vilajo Bełzec (IFAˈbɛu̯zɛt͡s), provinco Lublin, Polonia
SS-Sonderkommando Kulmhof – en Chełmno nad Nerem (IFA: ˈxɛu̯mnɔ ˌnad ˈnɛrɛm]), provinco Grandpolonia, Polonia
Konzentrationslager Lublin, Vernichtungslager Lublin, Kriegsgefangenenlager Maydanek o KL Majdanek – en Lublin (ne-formala nomo Majdanek devenis de quartero di Lublin Majdan Tatarski), provinco Lublin, Polonia
Vernichtungslager Maly Trostinez – en Mali Trascianiec (proxime Minsk), Bielorusia
SS-Sonderkommando Sobibor – proxim vilajo Sobibór (IFA: sɔˈbibur) e ferovoyala staciono "Sobibór" en vilajo Żłobek (IFA: ˈʐwɔbɛk), provinco Lublin, Polonia
SS-Sonderkommando Treblinka o (ne-formale) Treblinka II – proxime vilajo Treblinka e ferovoyala staciono, provinco Mazovia, (Polonia)
Altra naziista koncentreyi (ube anke multi perdis sua vivo)
