From Wikipedia, the free encyclopedia
Ambe Trinidad e Tobago habitesis da aporijeni qui originis de Sud-Amerika. Tobago nomesis da Cristoforo Colombo en 1498 de la Haitiana vorto tambaku (pipo) - forsan pro ke il remarkis l'indijena kustumo di fumar tabako en pipi. Trinidad anke nomesis da Cristoforo Colombo en 1498, forsan pro Triuno-Sundio, o pro tri insul-monti videbla de la maro. Colombo deskovris amba insuli ye la 31ma di julio 1498. Antonio de Sedeño, Hispana soldato, konquestis Trinidad kun mikra grupo di soldati dum la yari 1530a.
En 1595, Angla explorero, Sinoro Walter Raleigh, atakis Hispana kolonio en Trinidad. Dum la 16ma e 17ma yarcenti, Nederlandani e Kurlandani (de la Dukio di Kurlando e Semigalia, regiono nune apartenante a Latvia) establisis kolonio en Tobago por produktar tabako e kotono. Ye la 1ma di decembro 1699 eventis la masakro di Arena, en Trinidad, ube centi di indijeni mortigesis.
Dum la 18ma yarcento la du insuli esis Hispaniana kolonio, ma ta epoko l'insuli kovrabis per foresti e havis poka Hispana habitanti, kelka sklavi e kelka indijeni. En fino dil yarcento, Franca Revoluciono afektis la kulturo dil insuli, nam plantacisti de Martinik ekmigris a l'insuli ed establisis agrokultivo di sukrokano e kakao[1]. En 1797 dum Napoleonala militi Britaniani okupis Trinidad[2]. Tobago ne havis habitanti til 17ma yarcento, kande esis sucedante okupita da Nederlandani, Franci, Britaniani e Hispani. En 1814 Britaniani enkorpigis ol ad Britanian imperio[2]. L'insuli divenis unika Britaniana kolonio en 1889
.svg)
Ye la 3ma di januaro 1958 Trinidad e Tobago kune Jamaika ed altra insuli unionesis en Federuro di Westal Indii kun chef-urbo en Chaguanas, ma kun la nedependo di Jamaika en 1961 la federuro desaparis. Ye la 31ma di agosto 1962 Trinidad e Tobago divenis nedependanta de Unionita Rejio, komence kom monarkio, ma en 1976 ol divenis republiko. Ellis Clarke esis l'unesma prezidanto.
En julio 1990 mohamedana radikala grupo Jamaat al Muslimeen probis renversar guvernerio. La grupo mantenis la chefministro Arthur Napoleon Raymond Robinson kom gajo-homo dum ke tumulti eventis en Port-of-Spain. Pos negocii, Yasin Abu Bakr, chefo dil grupo, kapitulacis ad autoritatozi.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
