From Wikipedia, the free encyclopedia
Hiroshima esas urbo en Japonia. Segun statistiki dil yaro 2019, ol havis 1 199 391 habitanti. Lua tota surfaco esas 906,68 km².
Hiroshima | ||
![]() | ||
Kelk imaji pri Hiroshima. | ||
![]() |
![]() | |
Standardo | Blazono | |
Lando: | ![]() | |
Regiono: | Honshu | |
Informo: | ||
Latitudo: | 34°23'N | |
Longitudo: | 132°27'E | |
Altitudo: | 12[1] m | |
Surfaco: | 906,68 km² | |
Habitanti: | 1 199 391 (2019) | |
Denseso di habitantaro: | 1300 hab./km² | |
Disto de Tokyo: | 810,5[2] km | |
Horala zono: | UTC+9 | |
Urbestro: | Kazumi Matsui | |
Mapo: | ||
![]() | ||
Oficala retosituo: | ||
www.city.hiroshima.lg.jp |
L'urbo rikonstruktesis pos la duesma mondomilito, e nun esas la maxim populoza urbo de la regiono Chugoku, sude del insulo Honshu.
La reliefo di Hiroshima esas plu montoza en lua norda quarteri (Asa-kita-ku, 安佐北区) ed Asa-minami-ku 安佐南区) kam en lua centrala quartero (Naka-ku, 中区) . Lua mezavalora altitudo esas 12 metri super la marala nivelo.
La klimato di Hiroshima esas humida subtropikala (Cfa segun la klimatala klasifikuro da Köppen), kun koldeta a moderema vintri, e varma e humida someri. Lua klimato afektesas da la proximeso dil oceano sude e di monti norde. La mezavalora temperaturo en januaro (vintro) esas 5,4°C, kontre ke la mezavalora temperaturo en agosto (somero) esas 28,5°C. La minima temperaturo enrejistrita en la urbo esis −8.6°C, kontre ke la maxim alta temperaturo enrejistrita esis 38,7°C en julio.
La mezavalora yarala pluvo-quanto dil urbo esas 1572 mm, e la maxim pluvoza monato esas julio, kun mezavalore 279,8 mm. En decembro e januaro la monatala pluvo-quanto esas infre 60 mm, tamen on povas nivar de decembro til februaro.