Edward la 1ma di Anglia

Edward la 1ma (1239 til 1307) esis la rejo di Anglia de 1272 til 1307. Lua epiteto esis Edward Longshanks o Hammer of the Scots.

Edward la 1ma di Anglia
{{{Originala_nomo}}}
Rejo di Anglia
Guvernisteso:	de 16 di novembro 1272 til morto
Precedanto:	Henry la 3ma di Anglia
Sucedanto:	Edward la 2ma di Anglia
Personal informi
Naskodato:	17 di junio 1239
Naskoloko:	Kastelo di Westminster Anglia
Mortodato:	7 di julio 1307
Mortoloko:	Burgh by Sands
Spozo:	Eleonore di Kastilia (1254-1290), Marguerite de Francia (1299-1307)

Ye la 30ma di marto 1296, en kampanio kontre Skotia, il asaltis l'urbo Berwick-upon-Tweed, che la frontiero di Anglia e Skotia. Ca urbo esis komercale importanta por Skotia. Ol kaptesis e plura mil homi en l'urbo ocidesis. La garnizono en la kastelo dil urbo ulagrade rezistis, ma ol balde cedis. Ca kampanio di Edward sequis la refuzo di chefi en Skotia suportar ilua projetata kampanio kontre Francia. En 1294 Francia prenabis la provinco Gaskonia, qua esis posedajo di Anglia. Skota chefi, egardante Francia kom asociito, refuzis helpar. Li ne egardis la supozata rejulo di Skotia John Balliol, qua esis quaza vasalo di Edward la 1ma.

Ye la 27ma di aprilo 1296 en la Skota kampanio di rejulo Edward la 1ma l'Angla armeo esis vinkoza ye la batalio di Dunbar. Pos la preno di l'urbo Berwick-upon-Tweed, l'armeo avancabis alonge la marobordo e kaptabis la kastelo di Dunbar. Skota armeo avancis de vicina urbeto Haddington por sokursar la kastelo. En la batalio l'Angla kavalrio, pos kurta periodo di manovrado, fugigis la Skota kavalrio. Esis nemulta morti, tamen multa Skota kavalieri kaptesis. Ol esis la konkluzala batalio di la kampanio. Tamen en sequanta yari esis plusa rebelesi en Skotia, notende olta di William Wallace en 1298. En 1306 Robert Bruce komencis kampanio di Skota nedependo. Edward la 1ma, qua ne agnoskis Robert kom Skota rejo, mortis dum voyajo vers Skotia por direktar opozala kampanio.