Chișinău

Chișinău esas la chef-urbo, l'ekonomiala centro, e la maxim populoza urbo di Moldova. Segun la demografiala kontado di 2014, ol havis 532 513 habitanti. Ol jacas centre de la lando apud la fluvio Bâc, qua debushas an Danubio.

Chișinău
Kelk imaji pri Chișinău.
Standardo	Blazono
Lando:	Moldova
Informo:
Latitudo:	47º00'00" N
Longitudo:	28º55'00" E
Altitudo:	85 m
Surfaco:	123 km²
Habitanti:	532 513 (2014)
Denseso di habitantaro:	4329 hab./km²
Horala zono:	UTC+2 (UTC+3 dum la somero)
Urbestro:	Dorin Chirtoacă
Mapo:
Oficala retosituo:
http://www.chisinau.md

"Pordegi del urbo" Chișinău.

Chișinău esas la precipua industriala centro di Moldova e la precipua koncentro-punto por transporti de la lando. Cirkume 1/3 ek la habitantaro di la lando rezidas en lua metropolala regiono.

L'origino de lua nomo esas neklara, ma segun ula versiono, lua nomo devenas de Rumana vorto chișla ("fonto di aquo") e nouă ("nova"), nam ol konstruktesis proxim aquofonto.

Historio

Chișinău fondesis en 1436 kom monakeyala vilajo. Ol esis parto dil princio Moldavia, stato vasala del Otoman imperio, quankam ol konservis kelka autonomio. La kirko Măzărache, konstruktita en 1752 da Vasile Măzărache, judikesas kom la maxim anciena del urbo. Ol konstruktesis ube ante existis fortreso destruktita dal Otomani. Dum la militi Rusa-Turka, l'urbo incendiesis dufoye, en 1739 ed itere en 1788.

Dum la komenco dil 19ma yarcento, l'urbo havis cirkume 7.000 habitanti. En 1812, l'urbo kaptesis dal Rusi.

Geografio

Avenuo Dacia an la quartero Botanica, en Chișinău.

La reliefo di Chișinău esas plana, jacante an fertila agrokultivala regiono. La fluvio Bâc, enfluanto dil Dnister, dividas l'urbo en du. La mezavalora altitudo dil urbo esas 85 metri super la marala nivelo.

La klimato dil urbo esas humida kontinentala (Dfb segun la klimatala klasifikuro da Köppen). La mezavalora temperaturo en januaro (vintro) esas -1,9°C, dum ke la mezavalora temperaturo en julio (somero) esas 22,1°C.

La mezavalora yarala pluvo-quanto esas 542 mm, e la maxim pluvoza monato esas junio, kun mezavalore 66 mm.

Chef-urbi di Europana landi

Amsterdam · Andorra la Vella · Athina · Bakı · Beograd  · Berlin · Bern · Bratislava · Bruxel · Budapest · București · Chișinău · Dublin · Helsinki · Kiyiv · København · Lisboa · Ljubljana · London · Luxemburg · Madrid · Minsk · Monako · Moskva · Nikosia · Oslo · Paris · Podgorica · Praha  · Reykjavík · Rīga · Roma · San-Marino · Sarajevo · Skopje  · Sofiya · Stockholm · Tallinn · Tbilisi · Tirane · Vaduz · Valletta  · Warszawa · Vatikano · Wien · Vilnius · Yerevan · Zagreb