Bologna

Bologna esas chef-urbo e maxim populoza urbo de la regiono Emilia-Romagna, en Italia. En marto 2023, ol havis 388 286 habitanti.^[1] Lua tota surfaco esas 140 km². Lua metropolala regiono havas cirkume 1 milion habitanti. Bologna esas la 7ma maxim populoza urbo de Italia.

Bologna
Kelk imaji pri Bologna.
Standardo	Blazono
Lando:	Italia
Regiono:	Emilia-Romagna
Informo:
Latitudo:	44°30'27" N
Longitudo:	11°21'05" E
Altitudo:	54 m
Surfaco:	140,86 km²
Habitanti:	388 286[1] (2021)
Denseso di habitantaro:	2756 hab./km²
Disto de Roma:	302 km
Horala zono:	UTC+1 (UTC+2 dum la somero)
Urbestro:	Matteo Lepore (PD)
• Bologna
Oficala retosituo:
www.comune.bologna.it

Bologna.

Fondita dal Etruski cirkume 600 aK, la maxim anciena restaji pri konstrukturi trovita ibe datizas de 1000 aK. Kelti nomizis ol Bona, e la Romani nomizis ol Bononia. Dum la 16ma yarcento, ol esis la nordala chef-urbo dil Papala Stati. Dum la duesma mondomilito ol esis un ek la centri di partizanala rezisto kontre fashismo.

Bologna esas importanta koncentro-punto por chosei e ferovoyi en la nordo di Italia, ed anke importanta industriala centro, nome por mekanikal ed elektronikal equipuri, e nutrivi. Ol anke koncentras multa prestijoza institucuri kulturala, ekonomiala e politikala. La maxim anciena universitato de la mondo, l'Universitato di Bologna, fondesis en 1088. Lua historiala centro esas bone prezervata, e l'urbo deklaresis Chef-urbo Europana di la Kulturo en la yaro 2000.

Historio

En la regiono ube jacas Bologna, trovesis restaji pri homala habitado evanta de la 3ma yarmilo aK. De cirkume 900 aK til cirkume 700 aK, tale-nomizita "kulturo Villanova" florifis en la regiono. La civilizuro Etruska arivis en la regiono inter la 7ma e la 6ma yarcento aK. Li fondis l'urbo Felsina dum la fino dil 6ma yarcento aK.

Geografio

Aeral imajo pri Bologna.

Bologna jacas an la bordo di la planajo dil fluvio Po, vicina a la bazo dil Apenini, inter la fluvii Reno e Savena. Lua reliefo esas partale kolinoza. Pro ke lua du precipua fluvii debushas direte an la maro, l'urbo ne apartenas a la baseno dil Po.

Lua klimato esas humida subtropikala (Cfa, segun la klimatala klasifikuro da Köppen). La maxim kolda monato esas januaro, kun temperaturo mezavalora di 2,8°C. La maxim varma monato esas julio, kun mezavalora temperaturo di 24,4°C. La mezavalora yarala temperaturo dil urbo esas 13,6°C.

Lua mezavalora yarala pluvo-quanto esas 671,3mm. La maxim pluvoza monato esas aprilo, kun 74,2 mm, kontre ke la maxim sika monato esas januaro (34 mm).

Referi

1. Bilancio demografico mensile e popolazione residente per sesso, anno 2023 - Publikigita da ISTAT. URL vidita ye 3ma di junio 2023. Idiomo: Italiana.