Batalio di Austerlitz

La Batalio di Austerlitz (nun en Slavkov, en Chekia) nominita « Milito di tri cezari » eventis ye la 2ma di decembro 1805 (11 frimaire An XIV). Pos 9-hora kombati, Grande Armée di Napoléon la 1ma vinkis l'Austriana trupi komandita dal cezari Franz la 2ma e Alexandr la 1ma di Rusia. Unionita Rejio, quankam nevinkita, restanta sola, ta finis la triesma Koalisuro.

Batalio di Austerlitz
Napoléon la 1ma en la batalio di Austerlitz.
Konflikto:	Napoleonala militi
Dato:	2ma di decembro 1805
Loko:	Austerlitz, Moravia, Austrian Imperio
Rezulto:	decidigiva Franca vinko.
Militanti
Franca Imperio	↔	Rusa imperio Austrian Imperio
Komanderi
Napoléon la 1ma	↔	Alexandr la 1ma Franz la 1ma di Austria Mihail Kutuzov
Trupi/equipuri
72 000[1]	↔	85 000
Perdaji
1,305 morti, 6,940 vunditi, 573 militala kaptiti.	↔	15 000 morti o vunditi, 12 000 militala kaptiti, 180 pafili perdita.
{{{perdaji}}}

Ultre lua strategiala importo, ta balalio, same kan la kampanio ante, duktanta la Granda armeo, de Boulogne-sur-Mer til Austerlitz, konsideresas la maxim bona taktika verko de Napoléon Bonaparte, ed, ankore nun, docita en multa militala skoli.

Austerlitz semblis esar l'unika batalio ube Napoleon povis selektar la tereno, duktar l'enemiko ed impozar lu lua plano: totajo di altri esis sive hazardala batalii mi-improvizita (Marengo, Iéna, Eylau, Lutzen, Dresden), sive apertar violente paseyo (Friedland, Wagram, Borodino).

Preliminara movadi

Kapto di Ulm

La kapitulaco di generalo Mack e la defilo di austriana trupi avan Napoléon, per Charles Thévenin.

En agosto 1805, Napoleon modifikis la skopo di lua armeo de Angla kanalo til Rheno en sep torenti pro traktar kun la nova Austra e Rusa minaci. Pos la 25ma di septembro, sub granda sekreto e intensa marchado, 200 000 Franca soldati komencis transirar Rheno. Mack asemblis la plu granda parto di Austrian armeo en la fortreso di Ulm, en Bavaria. Quik Napoleonala trupi encirkligis la trupi di Mack. Kun la kontrolo di kolino super l'urbo, li povis bombardar ol facile. Ye la 20ma di oktobro, generalo Mack devis livrar la fortreso kun 23 000 bona trupi. La voyo per Wien esis apertita.

L'eniro en Wien

Malgre Napoleon vinkabis Austriani unafoye, ilu mustis vinkar la milito. Il persequis Rus armeo di Koutouzov. Segun ke to retretis, ne cesis pluforteskar dum ke la Grande Armée dispersis su a 1000 km de lua bazi. En Italia, Masséna ne sucesis vinkir l'arkiduko Karl malgre lua nerezistebla plumulteso. Napoleon devis lor privacar su de Ney e de Marmont qua departis vers Tirol (pro evitar ke l'arkiduko eskapis a Masséna e pose minacis lua dextra alo. L'imperiestro di la Franciani devis anke privacar su de Augereau, nam altra arkiduko, Jean-Baptiste, probis rekrutar armeo en Bohemia. Plu male, Prusia prontigis lua eniro en milito e promisis ad Alexandr atakar la Franci la duimo di decembro.

La precipua Franca trupi sequis tra la suda rivo Danubio, ma mikra trupi en norda rivo preske kaptesis en Dürenstein. Ye la 13ma di novembro Franciani prenis la ponti avan Wien per ruzo.