Aluminio

Aluminio esas kemiala elemento kun simbolo Al ed atomala nombro 13. Ol trovesas precipue en erco di bauxito ed esas remarkinda pro lua rezisto ye oxeso (pro pasiveso), lua forco e lejera pezo.

Aluminio
Nomo	Aluminio
Simbolo	Al
Atomala nombro	13
Kemiala serio	Povra metali
Atomala pezo	27 uma
Elektronala figuro	[Ne] 3s2 3p1

Ye la 23ma di februaro 1886 la metalo aluminio unesmafoye produktesis per facila procedo, tale ke aluminio ne pluse esis precoza metalo. Charles Martin Hall (1863-1914), de Ohio, Usa, komencis studiar kemio dum yuneso. Ilu renkontris la kemiisto Frank Jewett, qua esis savoza pri aluminio. Jewett deklaris ke chipa produktado di aluminio esus importanta por la mondo e por la deskovrinto, quo inspiris la experimenti di Hall. De 1881 Hall probis diversa metodi por obtenar la metalo de aluminio-oxido. Ilua patentizo di la sucesoza procedo en 1886 eventis en la sama yaro kam patentizo di simila procedo da Paul Héroult en Francia. Hall mustis demonstrar, ke sua deskovro esis la plu frua, quon il sucesoze facis.

Wikipedio

Wikivortaro explikas
ca rubriko
en altra lingui: Aluminio

Commons

Commons havas kontenajo relatante a:

Aluminio