Marbordo-Tramvoyo
From Wikipedia, the free encyclopedia
La Marbordo-Tramvoyo (nederlandane: Kusttram) esas publika tramvoyo quo konektas la urbi ed urbegi alonge la tota belga marbordo (di West-Flandria), inter De Panne proxim la franca frontiero e Knokke-Heist proxim Nederlando. Ye longeso de 68 km, ol esas la maxim longa tramvoyo en la mondo, ed un ek la poka interurba tramvoyi en la mondo ankore funcionanta. La voyo esas konstruktita ye metro-larjeso e par-elektrizita ye 600 volti DK.
La unesma segmento dil voyo inter Oostende e Nieuwpoort serveskis en 1885, malgre ke la originala voyo esis plu marfora kam la moderna. Lor kreeso, la voyo jeresis da la NMVB (Nationale Maatschappij van Buurtspoorwegen). En 1991, la NMVB fendesis aden du regionala kompanii, un walona* ed un flandriana, e la flandriana sucedanta kompanio, Vlaamse Vervoermaatschappij De Lijn responseskis pri la Marbordo-Tramvoyo.
La servo havas 69 halteyi alonge la 68-kilometra voyo, e tramveturo arivas ye omna dek minuti dum la somero-monati (omna duadek minuti dum la vintro), dum qua tempo ol uzesas da plu kam tri milion pasajeri. La servo recente divenis plu acesebla per adjunto di segmenti kun basa pavimento ad existanta vehili, ed endukto di kelka nova HermeLijn-veturi kun basa pavimento.
La plu olda tramveturi esas unsinsa, e pro to mustas turnar per slingo por inversigar sua veho-sinso, ma le plu nova esas dusinsa.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
