From Wikipedia, the free encyclopedia
Julian Assange (pron.: julian-asanj; n. Townsville, Quinslando, la 3ma di julio 1971) esas Australiana komputer-experto qua publikigis armeala sekreta dokumenti.
Heme, kom adolecanto. Assange lernis kodexifar per olda komputero Commodore 64. Il arestesis en 1996 pro piratagir 24 komputeri. La judiciisto kondamnis lu ad amendo por avertar lu. En 2006 Assange fondis Wikiliki, organizuro por la komunikalaro e sito* ube denuncanti anonime povas adkargar lia informo.
En 2010 Assange esis akuzata sexuale violacir du mulieri en Suedia. L'autoritati di Suedia publikigis internaciona arest-impero pos qua Assange arestesis en London, ma anke liberigesis per kauciono.
Assange negis l'akuzi pri violaco e timis esor extradat ad Usa pro la likit informi di Wikiliki. En 2012 il fugis aden ambasadeyo di Equador en London, qua donis politikal azilo. En 2019 la yuro di azilo revokesis da Equador ed ye prego da Usa, Assange esis arestata da la polico ed akuzesis pro violacir la kondicioni di kauciono. Il enkarcerigesis en London.
Usa pregis a Britania l'extrado di Assange pro konspiro kun Manning e nelegal obteno di sekret armeala dokumenti pri milito en Irak ed Afganistan. Akuzi qui povas enkarcerigar lu dum 175 yari.
En 2019 Suedia cesis persekutar Assange. En 2021 la Britaniana judiciala korto judikis ke Assange ne darfas esar extradat ad Usa.
La 25ma di junio 2024 esis konkordata kun Usa ke Assange darfas voyajar libere ad Australia pos konfesir esar kulpant ad 18 akuzi pri spionado[1].
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.