Fort Worth
From Wikipedia, the free encyclopedia
Fort Worth esas la 16ma maxim granda urbo en Usa e kinesma maxim granda urbo en la stato Texas. Segun la demografiala kontado di 2020, ol havis 927 720 habitanti.[1].
Fort Worth | ||
Centrala quartero di Fort Worth. | ||
Blazono | ||
Lando: | Usa | |
stato: | Texas | |
Informo: | ||
Latitudo: | 32°45'N | |
Longitudo: | 97°20'W | |
Altitudo: | 199 m | |
Surfaco: | 920,89 km² | |
Habitanti: | 927 720[1] (2020) | |
Denseso di habitantaro: | 1021,65 hab./km² | |
Horala zono: | UTC-6 (UTC -5 dum la somero) | |
Urbestro: | Mattie Parker (R) | |
Mapo: | ||
Oficala retosituo: | ||
http://www.fortworthtexas.gov/ |
La urbo esas en Norda Centrala Texas e kovras 920,89 km² en la komtii Denton, Parker, Wise e Tarrant; di ta lasta ol esas la sideyo. La urbo esas la duesma maxim granda en la metropolo Dallas-Fort Worth-Arlington (la "DFW Metroplex").
La urbo establisesis en 1849 kom armeo-posteno sur promontorio super Trinity-rivero. Hodie, Fort Worth ankore embracas sua westala heredajo e tradicional arkitekturo e desegno. USS Fort Worth esas la unesma navo dil Usana Mararmeo nomizita pro la urbo.
Fort Worth havas un ek la maxim dinamikala urbocentri en Usa, ol esas hemo di la piano-konkurso Van Cliburn International Piano Competition e plura muzei. La muzeo Kimbell Art Museum, egardata kom un ek la maxim bona kolekturi en Texas, rezidas en verko di moderna arkitekturo, desegnita da Louis Kahn e Renzo Piano. Anke notinda esas la Modern Art Museum of Fort Worth, desegnita da Tadao Ando.
La Amon Carter Museum of American Art, desegnita da Philip Johnson, havas un ek la maxim granda kolekturi de usana arto en la mondo. La Sid Richardson Museum, ridesegnita da David M. Schwarz, havas un ek la maxim enfokigita kolekturi de westala arto en Usa, qua emfazas Frederic Remington e Charles Russell.
La urbo stimulesas da plura universitato-komunesi: Texas Christian, Texas Wesleyan, University of North Texas Health Science Center, e Texas A&M University School of Law, e multa multanaciona korporacioni, inkluzanta Bell Helicopter, Lockheed Martin, American Airlines, BNSF Railway, Pier 1 Imports e Radio Shack.