Ekonomio di Demokratial Republiko Kongo
From Wikipedia, the free encyclopedia
From Wikipedia, the free encyclopedia
Kun poka habitantaro kompare lua areo, Demokratial Republiko Kongo havas importanta naturala resursi e minerala richeso. Tamen, lua ekonomio kreskabas poke depos lua nedependantesko. Kande la lando nedependanteskis en 1960 ol esis la 2ma maxim richa de Afrika, dop Sudafrika, kun prosperanta exploto di minerali e produktiva agrokultivo.[3] Dissemata povreso, korupto, e militi qui duris dum yardeki e produktis 5 milioni morti, diminutis l'exportaci e la publika revenui, ed augmentis l'extera debo.[1]
Ekonomio di Demokratial Republiko Kongo | ||
---|---|---|
Pekunio | Franko di Demokratial Republiko Kongo | |
Internaciona organizuri | MOK, Afrikana Uniono | |
Statistiki [1] | ||
Totala nacionala produkturo (TNP) | US$ 96,3 miliardi (2020) | |
Rango TNP | 91ma[2] maxim granda | |
Kresko di TNP | 3,4% (2020) | |
TNP po persono | US$ 1100 | |
TNP segun sektoro | agrokultivo 19,7%, industrio 43,6%, servadi 36,7% (2012) | |
Inflaciono | 41,5% (2017) | |
Habitantaro sub la povreso-lineo | 63% (2014) | |
Laboro-povo | 20 692 000 (2020) | |
Laboro-povo segun okupado | Netrovebla | |
Chomeso | ||
Komercala parteneri [1] | ||
Exportaci (US$) | 13,93 miliardi (2020) | |
Precipua parteneri | Popul-Republiko Chinia 53%, Unionita Araba Emirii 11%, Saudi-Arabia 6%, Sud-Korea 5% (2019) | |
Importaci (US$) | 14,56 miliardi (2020) | |
Precipua parteneri | Popul-Republiko Chinia 29%, Sudafrika 15%, Zambia 12%, Ruanda 5%, Belgia 5%, India 5% (2019) | |
Publika financi [1] | ||
Extera debo | 4 963 milioni (2017) | |
Revenuo totala (US$) | 4 634 milioni (2017) | |
Spenso totala (US$) | 5 009 milioni (2017) | |
Noto: Ecepte kande kontree mencionata, valori en ca tabelo esas en Usana dolari |
Pos paco-pakti signatita en 2003, l'ekonomio pokope durigis kreskar, pos ke la nova guvernerio signatis kontrati kun financala institucuri exterlanda, e lora prezidanto Joseph Kabila komencis realigar reformi ekonomiala. La durigo dil exploto minerala, fonto di la precipua revenui pri exportaci levis la kresko dil TNP ed impostokolekto til 2015, ma kande l'internaciona preci di minerali komencis falar, l'inflaciono kreskis, la kurso di kambio dil "franko" min-valoreskis, e la financala deficito augmentis.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.