Bento Gonçalves
From Wikipedia, the free encyclopedia
From Wikipedia, the free encyclopedia
Bento Gonçalves esas urbo en Braziliana stato Rio Grande do Sul. Segun la demografiala kontado di 2022, ol havis 123 151 habitanti[1]. Lua tota surfaco esas 382,5 km². Ol distas 109 km de la chef-urbo dil stato.
| Bento Gonçalves | ||
 | ||
| Kelk imaji pri Bento Gonçalves. | ||
 |
 | |
| Standardo | Blazono | |
| Lando: |  Brazilia | |
| Regiono: | Suda regiono | |
| Stato: | Rio Grande do Sul | |
Informo: | ||
| Fondita ye: | 11ma di oktobro 1890 | |
| Latitudo: | 29°10'15" S | |
| Longitudo: | 51°31'08" W | |
| Altitudo: | 691 m | |
| Surfaco: | 382.5 km² | |
| Habitanti: | 123 151[1] (2022) | |
| Denseso di habitantaro: | 322 hab./km² | |
| Disto de Porto Alegre: | 109 km | |
| Horala zono: | UTC-3 | |
| Urbestro: | Diogo Siqueira (PSDB, 2021 – 2024) | |
Mapo: | ||
 | ||
Oficala retosituo: | ||
| https://www.bentogoncalves.rs.gov.br | ||
Ol koloniigesis da Italian imigranti de Veneto, ma anke recevis altra grupi, exemple Germani, Franci, Hispani e Poloni. Nun, lua precipua ekonomial agadi esas la produktado di vitbero e vino (ol esas un ek la precipua produkteri di vino en Brazilia) e mobli, ed anke turismo. Ol surnomizesis la chef-urbo dil vino en Brazilia. Ol anke havas privata universitato, Universidade de Caxias do Sul, e kampusi dil Statala Universitato di Rio Grande do Sul (UERGS), e la Federala Instituto di Rio Grande do Sul (IFRS).
La nomo dil urbo homajas Bento Gonçalves da Silva, un ek la precipua komandinti di la milito di Farrapos.
Ante l'arivo di blanki, la regiono habitesis dal populo kaingang, qui habitis alonge rivero Antas en mikra grupi. Pose li ekpulsesis da tale nomizita bugreiros, individui qui kontratesis por ekpulsar li.
En 1875, lora princino Isabel de Brazilia donis tereni a 24 familii di Italiana imigranti qui originis precipue de Trento, e fondis kolonieto nomizita "Dona Isabel" en la regiono. Dum la sequant yari, altra enmigranti arivis, note de Veneto, Trentino e Lombardia.
Ye la 11ma di oktobro 1890 la kolonieto transformesis en urbo e nomizesis Bento Gonçalves, homaje a Bento Gonçalves da Silva, komandinto dum la milito di Farrapos. Dum l'unesma yardeki dil 20ma yarcento l'urbo duris recevar enmigranti. Ultre l'Italiani, ank arivis Poloni, Germani, Suedi, Franci e Hispani.
En 1919 inauguresis ferovoyo liganta Bento Gonçalves a Porto Alegre, por transportar l'ekonomiala produktado di la regiono. La ferovoyo transportis pasajeri reguloze til 1976. Nun, ol transportas nur turisti en kurta extenso, de Bento Gonçalves til Carlos Barbosa, en treni tirita per vaporolokomotivi.
En 1950 l'urbo ja havis 22.500 habitanti. Industrial agado expansis, nome sektori di vino, mobli, ledro, kemiala produkturi, metalifado e mekanikal equipuri. En 1967, organizesis en Bento Gonçalves la Nacionala Ferio pri Vino (Fenavinho). Dum la sequanta yari altra nacionala ed internaciona ferii organizesis en la urbo, exemple Ferio dil Moblaro (Movelsul), e la Komercala Ferio di Bento Gonçalves (Expobento).
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
