From Wikipedia, the free encyclopedia
Ana María (Anne) Hidalgo Aleu, n. ye la 19ma di junio 1959, esas l'urbestro (depos 2014) di Paris por la Partiso Socialista. El esas l'unesma mulier urbestro di Paris.
Anne Hidalgo | ||
![]() | ||
Profesiono: | Politikisto, urbestro | |
Lando: | ![]() | |
Naskodato: | 19 di junio 1959, 1958 | |
Nasko-loko: | San Fernando Hispania | |
Retoloko: | https://www.paris.fr/pages/anne-hidalgo-2252 | |
En 1962 Anne Hidalgo venis de Andaluzia (Hispania) a Francia kun elua genitori e fratino, eskapinta la rejimo di Franco.
Hidalgo studiis yuro-cienco en Lyon. En 1982 el translojas a Paris ube el membrigas su a la Partiso Socialista. Kande el komencas laborar por ministro Martine Aubrey elua kariero komencas. En 2001 elua sam-partisano Bertrand Delanoë divenas urbestro di Paris e Hidalgo divenas ilua primar adyunto. En 2014 el kandidatigas su por urbestro di Paris e vinkas l'elekto.
L'urbestreso di Hidalgo karakterizas su per verda programo por Paris e la parisani. Elua skopo esas diminutar la polutado pro la trafiko di automobili ed introduktas rigoroza reformo di la voyaro. Konocat esas l'introdukto di publika biciklo-lugo (Vélib) e pose anke la lugo di publika automobili (Autolib).
Altra forta politikala punto esas elua solidareso kun sentekti e migranti.
La teror-atenti en 2015 duktis al ideo di nacional interfratesko, el kandidatigas Paris por l'Olimpiala Ludi en 2024. L'Olimpiala Ludi eventez en Seine-Saint Denis, la quartero di la teroristi dil atenti.
Ultre l'Olimpiala Ludi, 2024 esas jubileo-yaro di elua urbestreso, kun referendumo pri impost-augmento por SUV-i e la riapertigo di la Notre Dame.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.