From Wikipedia, the free encyclopedia
Abelo esas fluganta insekto. Ol esas membro dil ordeno himenoptero.
Adulto nutrivas ordinare per nektaro. Abelo esas importanta poleno-agento kun multa hari ed elektostatika charjo. Lia boka-peci esas suga tipo kun la lango rifaldebla en la boko.
Femini havas venena, barboza e tre movebla dardo qua povas uzesar nur unfoye. Kelka speci ne havas dardo.
Kom hemala “bestii”, mielo-produktanta abeli komence uzesis nur en la nordala misfero, en Europa, Afrika ed Azia. Mielo-abeli transportesis ad estal Nord-Amerika dum la 17ma yarcento, ma erste dum la 19ma yarcento a westal Nord-Amerika, Kanada, Australia e Nova-Zelando.
Por produktar mielo explotesas quar speci di abeli, omni apartenante ad Apis-familio. Maxim larja-expansinta esas Apis mellifera, qua esas originala mielo-abelo dil Anciena mondo. En Azia existas tri speci: Apis dorsata, la giganto-abelo, Apis florea, la mikro-abelo, ed Apis cerana, l'Indian-abelo, qua semblas Apis mellifera.
En kelka arei di tropiko on edukas Melipona- e Trigona-abeli, qui ne havas dardi. Tamen, ica speci ne esas tam produktiva kam abeli de la familio Apis.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.