From Wikipedia, the free encyclopedia
Ti Yerevan (Armenio: Երևան, Panangibalikas nga Armenio: [jɛɾɛˈvɑn]) ket isu ti kapitolio ken kadakkelan a siudad iti Armenia ken maysa kadagiti kadaanan nga agnanayon a nataengan a siudad. Naisanglad daytoy ti igid ti Karayan Hrazdan, ti Yerevan ket isu ti administratibo, kultural, ken industria a sentro iti pagilian ti Armenia. Isu daytoyen ti kapitoliona manipud idi 1918, ti maikasangapulo ket tallo ti pakasaritaan iti Armenia.
Yerevan
Երևան | |
---|---|
Ti tangatang ti Yerevan nga addaan iti Bantay Ararat ti lugar iti likud | |
Nagsasabtan: 40°11′N 44°31′E | |
Pagilian | ![]() |
Panakabangon | 782 BC |
Nagpundar | Argishti I |
Gobierno | |
• Mayor | Taron Margaryan |
Kalawa | |
• Dagup | 300 km2 (100 sq mi) |
Kangato | 989.4 m (3,246.1 ft) |
Populasion (2011) | |
• Dagup | 1,121,900 |
• Densidad | 4,896/km2 (12,680/sq mi) |
Sona ti oras | UTC+3 (GMT+3) |
Kodigo ti lugar | +374 10 |
Website | www.yerevan.am |
Dagiti nagtaudan: Ti kalawa ken poplasion ti siudad ti Yerevan [1] |
Ti pakasaritaan iti Yerevan ket napetsado manipud idi maika-8 a siglo BC, a ti panakabangon ti pagsammakedan iti Erebuni idi 782 BC babaen ni Ari Argishti I idiay kalaudan nga ungto iti Tanap ti Ararat.[2]Kalpasan ti Umuna a Sangalubongan a Gubat, ti Yerevan ket nagbalin a kapitolio iti Demokratiko a Republika iti Armenia gapu kadagiti ribribo a nagbiag iti Armenio a Genosidio ket nagtaeng iti daytoy a lugar. Napardas a dimmakkel daytoy a siuadad idi maika-20 a siglo a kas ti Armenia ket nagbalian a maysa kadagiti sangpulo ket lima a republika idiay Kappon ti Sobiet. Iti limapulo a tawtawen, ti Yerevan ket nabaliwan a kas maysa nga ili nga addaan laeng ti bassit a ribo a nagtaeng iti uneg ti Ruso nga Imperio, iti kangrunaan a kultural, artistiko, ken industria a sentro, ken nagbalin pay a tugaw ti nailian a gobierno.