Danes a pisiko a naginginaan iti Premio Nobel iti Pisika idi 1922 From Wikipedia, the free encyclopedia
Ni Niels Henrik David Bohr (Danes: [ˈnels ˈboɐ̯ˀ]; 7 Oktubre 1885 – 18 Nobiembre 1962) ket maysa idi a Danes a pisiko a nagaramid kadagiti batayan a kontribusion iti pannakaawat ti estruktura ti atomiko ken teoria ti kuantum, a nakagunodanna iti Premio Nobel iti Pisika idi 1922. Ni Bohr ket maysa pay idi a philosopo ken mangipadpadur-as ti sientipiko a panagsukisok.[1]
| Niels Bohr | |
|---|---|
 Ni Bohr idi 1922 | |
| Nayanak | Niels Henrik David Bohr 7 Oktubre 1885 Copenhagen, Dinamarka |
| Natay | 18 Nobiembre 1962 (tawen 77) Copenhagen, Dinamarka |
| Pakipagilian | Danes |
| Alma mater | Unibersidad ti Copenhagen |
| Nakaam-ammuan |
|
| A(s)sawa | Margrethe Nørlund (m. 1912; innem nga annak) |
| Dagiti gungguna |
|
| Sientipiko a pagsapulan | |
| Dagiti pagobraan | Pisika |
| Dagiti patakder |
|
| Doktoral nga agbalbalakad | Christian Christiansen |
| Dadduma nga akademiko nga agbalbalakad | J. J. Thomson Ernest Rutherford |
| Dagiti doktoral nga estudiante | Hendrik Anthony Kramers |
| Nakaimpluensian |
|
| Naimpluensiaan |
|
| Pirma | |
 | |
Ni Bohr ket nagparang-ay iti modelo ni Bohr iti atomo, nga iti dayta ket nangisingasing a dagiti agpang ti enerhia dagiti elektron ket diskreto ken dagiti elektron ket agpuspusiposda kadagiti natalinaay a pagtayyekan iti lawlaw ti atengnga ti atomiko ngem mabalinda a lumagtaw manipud ti maysa nga agpang ti enerhia (wenno pagtayyekan) iti sabali. Urayno ti modelo ni Bohr ket nasukatanen babaen dagiti sabali a modelo, dagiti batayan a pamunganayanna ket agtulytuloy nga umiso. Isu ti nagparnuay iti pamunganayan ti komplementarito: a dagiti banag ket mabalin nga agsisina a mausig kadagiti termino dagiti agsisinnuppiat a tagikua, kasla agkukua a kas ti allon wenno alog dagiti partikula. Ti panunot iti komplementarito ket nangituray kadagiti panagpanpanunot ni Bohr iti siensia ken pilosopia.
Ni Bohr ket nagpundar iti Instituto iti Teoretikal a Pisika idiay Unibersidad ti Copenhagen, nga itan ket ammo a kas ti Instituto Niels Bohr, ken nalukatan daytoy idi 1920. Ni Bohr ket nagisursuro ken nakitinnulong kadagiti pisiko a mairaman ni Hans Kramers, Oskar Klein, George de Hevesy ken ni Werner Heisenberg. Isu ket nangipadto ti kaadda ti baro a kasla elemento ti sirkonio, a nanagan idi ti hapnio, manipud ti Latin a nagan para iti Copenhagen, nga idiay ket isu ti lugar a nakaduktalanna. Kalpasanna, ti elemento ti bohrio ket naipanagan idi kaniana.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
