Nasalakniban a Ladawan ti daga ti Simbahan-Talagas

Ti Nasalakniban a Ladawan ti daga ti Simbahan-Talagas ket ti maysa a nasalakniban a lugar iti akin-amianan nga Aurora, Filipinas a mangpreserba ti nangruna a taudan ti danum iti kabambantayan ti Sierra Madre iti Tengnga a Luzon. Daytoy ket aglaon kadagiti taudan ti danum ti karayan Simbahan ken Talagas, a mairaman ti Karayan Sangay ken Waig Umihiem iti ili ti Dinalungan a maatianan idiay Casiguran Sound. Ti maysa a dakkel apaset ti parke ket maabungotan iti bakir, bayat a dagiti nabati a lugar ket natalon a daga, daga ti bassit a kaykayo, karuotan, napatakderan a ugar ken lugar ti namaga a waig.^[1] Dagiti dadduma a fauna ti parke ket mairaman ti ugsa ti Filipinas, atiddog-ipus a makake ti Filipinas, ken ti adu a sebbangan ti avifauna. Ti lokasionna iti amianan a tengnga a Sierra Madre ket naabungotan iti dipterokarpo a bakir, a buklen ti Shorea almon (Philippine mahogany), Shorea polysperma (tanguile), Shorea squamata (mayapis), Shorea contorta (puraw a lauan), Shorea negrosensis nalabbasit a lauan), ken Parashorea malaanonan (bagtikan).^[2]

Nasalakniban a Ladawan ti daga ti Simbahan-Talagas
Kategoria V ti IUCN (nasalakniban a ladawan ti daga/ladawan ti baybay)
Lokasion idiay Filipinas
Lokasion	Aurora, Filipinas
Kaasitgan a siudad	Santiago
Nagsasabtan	16°7′35.4″N 121°53′7.44″E
Kalawa	2,266.49 ektaria (5,600.6 acre)
Nabangon	Mayo 22, 1992 (Reserba ti bakir ti taudan ti danum) Abril 23, 2000 (Nasalakniban a ladawan ti daga)
Mangituray a bagi	Departamento ti Enbironmento ken dagiti Masna a Rekurso

Immuna a nabangon a kas maysa a reserba ti bakir ti taudan ti danum idi 1992, ti 2,266.49-ektaria (5,600.6-acre) a parke ket napabaro a kas nasalakniban a ladawan ti daga idi 2000.^[3][4] Daytoy ket maysa kadagiti lima a nasalakniban a lugar iti probinsia ti Aurora.

Dagiti nagibasaran

1. "Simbahan-Talagas River Protected Landscape". Philippine Biodiversity Partnerships. Naiyarkibo manipud iti kasisigud idi 2017-06-13. Naala idi Hulio 30, 2015.
2. "Senate Bill No. 2020" (PDF). Senado ti Filipinas. Naala idi Hulio 30, 2015.
3. "Proclamation No. 905, s. 1992" (PDF). Official Gazette of the Republic of the Philippines. Naiyarkibo manipud iti kasisigud (PDF) idi 2016-10-14. Naala idi Hulio 30, 2015.
4. "Proclamation No. 267, s. 2000". Official Gazette of the Republic of the Philippines. Naiyarkibo manipud iti kasisigud idi 2016-10-13. Naala idi Hulio 30, 2015.