subrehion ti Oceania From Wikipedia, the free encyclopedia
Ti Mikronesia (manipud iti Griego: μικρός, mikrós, "bassit" + Griego: νῆσος, nēsos, "isla") ket subrehion ti Oceania, a mangbukel kadagiti rinubu a bassit nga isla idiay lumaud ac Taaw Pasipiko. Daytoy ket addaan iti nagbibingayan a kultural a pakasaritaan kadagiti sabali a dua nga isla a rehion, ti Polinesia iti daya ken ti Melanesia iti abagatan.
Adda dagiti uppat a nangruna a purpuro kadagiti nadumaduma nga is-isla. Ti Mikronesia ket politikal a nabngbingay kadagiti lima a naturay nga estado ken tallo a terteritorio ti Estados Unidos. Ti rehion ket addaan iti klima ti tropikal a marina, ken paset ti ekosona ti Oceania.
Ti Mikronesia ket nangrugrugi a natagtagitao kadagiti adun a napalabas a milenio, urayno adda met dagiti agsisinnupiat a ateoria a maipanggep ti taudan ken isasangpet dagiti immuna a nagtagitao.[1] Ti kaasapaan a ammo a pannakaipayammo kadagiti Europeano ket napasamak idi 1521, idi ni Ferdinand Magellan ket naabutanna ti Marianas. Ti nagaramid ti termino a "Mikronesia" ket kadawyan a naipammadayaw iti panagusar ni Jules Dumont d'Urville' idi 1832, nupay kasta ni Domeny de Rienzi ket inusarma metten ti termino iti napalabas a tawen.[2]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.