Meryl Streep

Ni Mary Louise "Meryl" Streep (nayanak idi Hunio 22, 1949) ket Amerikana nga aktres. Ti namitlo a beses a nangabak iti Gunguna ti Akademia, isu ket naulit-uliten a tinawtawagan iti "kalaingan nga aktres iti henerasionna".^[3][4][5] Immuna a nagparang iti entablado ni Streep iti The Playboy of Seville idi 1971, ken nakaawat ti nominasion iti Premio Tony idi 1976 para iti Kalaingan a Nailadawan nga Aktres iti Drama para iti A Memory of Two Mondays/27 Wagons Full of Cotton. Isu ket immuna a nagparang iti iskrin iti pelikula ti telebision idi 1977 iti The Deadliest Season, ken immuna a nagparang iti pelikula iti isu met laeng a tawen iti Julia. Idi 1978, nangabak isuna iti Premio Emmy para iti papelna iti miniserye iti Holocaust, ken nakaawat iti immuna a nominasionna iti Gunguna ti Akademia para iti The Deer Hunter. Nainominado para kadagiti 19 Gunguna ti Akademia, ni Streep ket ad-adu iti nominasion ngem iti sinoman nga aktor wenno aktres iti pakasaritaan, nangabak iti Kalaingan a Mangsuporta nga Aktres para iti Kramer vs. Kramer (1979), ken Kalaingan nga Aktres para iti Sophie's Choice (1982) ken para iti The Iron Lady (2011).

Meryl Streep
Ni Meryl Streep
Dagiti salaysay
Nayanak	Mary Louise Streep  Hunio 22, 1949  (tawen 75)[1][2] Summit
Trabaho	Aktor ti pelikula, aktor ti teatro, aktor ti telebision, aktor ti boses, aktor, produser ti pelikula, produser ti telebision
A(s)sawa	Don Gummer (n. 1978)
Kadua a kinadenna	John Cazale (1976–78); aginggana idi pimmusay ni Cazale
Dagiti gunguna	Theatre World Award, Presidensial a Medalia ti Wayawaya, Rungstedlund Award, honorary doctor of Harvard University, BAFTA Award for Best Actress in a Leading Role, Gunguna ti Arte ti Prinsesa ti Asturias
Pirma