Karayan Tarlac
karayan idiay Tengnga a Luzon, Pilipinas From Wikipedia, the free encyclopedia
Ti Karayan Tarlac ket karayan idiay Tengnga a Luzon, Filipinas, a mangsakop ti pagayusan alugar iti 1,900 kuadaro kilometro a manglasat kadagiti probinsia ti Tarlac ken Pangasinan.[1] Ti karayan ket agtaud manipud idiay asideg ti Bantay Pinatubo ken agayus idiay Karayan Agno idiay Kalugnakan ti Poponto a mabirukan idiay baetan ti pagbeddengan ti Tarlac ken Pangasinan. Daytoy idi ket dati a lugar ti tradisional a pagluganan ti balsa wenno rakit ti kawayan , aginggana idi ti karayan ket nakaro a nalan-akan ti napikket a lahar wenno ayus ti sekka nga inyeg ti panagbettak ti Bantay Pinatubo idi Hunio 15, 1991, ken nangpunno ti karayan kadagiti sumurok a 10 a kadapan iti lahar. Ti kangrunaan a tributariona ket ti O'Donnel River idiay Sta. Lucia Capas, Tarlac.
| Karayan Tarlac | |
|---|---|
 Ti Rangtay Aquino ket maysa kadagiti dua a rangtay a naipatakder a mangballasiw ti Karayan Tarlac idiay Siudad ti Tarlac tapno maikapet ti lumaud a paset ti siudad ti Lugar ti Poblacion. | |
| Lokasion | |
| Pagilian | Filipinas |
| Rehion | Tengnga a Luzon |
| Pisikal a pakaidumdumaan | |
| Taudan | |
| - lokasion | Bantay Pinatubo, Tengnga a Luzon, Filipinas |
| - nagsasabtan | 15°9′29.16″N 120°20′52.8″E |
| Sabangan | Kalugnakan ti Poponto |
- lokasion | Bayambang, Pangasinan, Rehion ti Ilocos |
- nagsasabtan | 15°45′29.232″N 120°27′4.464″E |
| Kadakkel ti labneng | 1,900 km2 (730 sq mi) |
| Panagayus | |
| - lokasion | Karayan Agno |
| Langlanga ti labneng | |
| Dagiti tributario | |
| - kanawan | Karayan O'Donnel |
Ti Karayan Tarlac ket napennedan idiay Baranggay Tibag idiay Siudad ti Tarlac nga idiay ket inus-usar ti danumna para iti panagsibog ken naiwarwaras kadagiti rehion ti akin-amianan ken tengnga ti Tarlac, ti dadduma paset ti karayan ket napunno itan iti darat. Ti karayan idi ket nasayaat a taudan ti ikan ken danum nga inus-usar iti panagsibog, ti sistema ti panagsibog ket gangani a mangala "amin " iti mabatbati a danum ken maiwarwaras kadagiti baranggay idiay Siudad ti Tarlac kasla ti Matatalaib ken Maliwalo. Ti sirok ti karayan ket maus-usar pay a kas taudan ti darat ken batbato nga inus-usar a kas materiales ti kontruksion.
Ti Karayan Tarlac nga agay-ayus nga agpa-amianan a kas naimatmatangan manipud idiay publiko a tiendaan ti Siudad ti Tarlac.
Ti Karayan Tarlac kas naimatmatangan manipud idiay publiko a tiendaan ti Siudad ti Tarlac.
Ti Rangtay Tibag ket maysa kadagiti rangtay a naipatakder a mangballasiw ti Karayan Tarlac idiay Siudad ti Tarlac tapno maikapet ti lumaud a paset ti siudad ti Lugar ti Poblacion.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
