Karayan San Cristobal
karayan iti Filipinas From Wikipedia, the free encyclopedia
karayan iti Filipinas From Wikipedia, the free encyclopedia
Ti Karayan San Cristobal (Tagalog: Ilog ng San Cristobal) kadawyan nga ammo a kas Karayan Matang Tubig ket ti sistema ti karayan kadagiti siudad ti Calamba ken Cabuyao, Laguna, Filipinas. Ti karayan ket mangbukel a kas ti akin-amianan a pagbeddengan ti Calamba iti Cabuyao.[1][2] Ti karayan ket maysa kadagiti 21 a nangruna a tributario ti Laguna de Bay.
Karayan San Cristobal | |
---|---|
Karayan Matang Tubig | |
Lokasion | |
Pagilian | Filipinas |
Rehion | Calabarzon |
Probinsia | Laguna |
Siudad | |
Pisikal a pakaidumdumaan | |
Sabangan | |
- nagsasabtan | 14°13′49.5″N 121°11′12.4″E |
- kangato | basbassit ngem 2 metro (6.6 ft) iti ngato ti pantar ti baybay |
Ti nangruna a taudan ti Karayan San Cristobal ket ti Bantay Sungay, ti kangatuan a bantay ti probinsia ti Cavite, a ti nangruna a sanga ken dagiti tributariona ket atiananna dagiti akin-amianan ken akindaya a sikig ti bantay.[3] Ti lugar ti pagayusan a labnengna ket sakupenna ti Siudad ti Calamba ken Siudad ti Cabuyao iti Laguna, Siudad ti Tagaytay ken ti ili ti Silang iti Cavite. Ti sistema ti karayan ti San Cristobal manipud iti Bantay Sungay, ket maikapet iti Matang Tubig a mabirukan iti Casile ken Canlubang.[4]
No maikuyog iti Karayan San Juan, agtignay dagiti dua a karayan a kas dagiti masna a sistema ti pagayusan babaen ti panagawat ken panagala (ken ti Cabuyao para iti San Cristobal) dagiti likido a rugit ken dagiti danum ti bagio ti Calamaba iti kaarrubayanna a Laguna de Bay. Dagiti dua a karayan ket nakaro ti rugitda a kas resulta, isu a mangapekto pay ti kalidad ti danum ti danaw.[1]
Uray no adda maysa a panagadal idi 1991 a nangdakamat a ti Karayan San Pedro ken Karayan Morong a kas dagiti taudan dagiti mineral a gapuanan ti eutropikasion iti Laguna de Bay, inbagbaga ti Laguna Lake Development Authority (LLDA) a ti kaudian a pannakapakapuy ti Karayan San Cristobal iti Calamba ket nangaramid daytoy iti maysa kadagiti nangruna a taudan iti panagkarga iti taraon iti danaw.[5] Dagiti ganetget ti konsebasion ti LLDA para kadagiti nangruna a tributario ken dagiti pagayusan a labneng ti Laguna de Bay ket nakaiturongan ti pannakapartuat ti Laguna de Bay River Basin Councils, a ti San Cristobal River Enhancement Defenders (SACRED) ket naigandat iti konserbasion ti San Cristobal.[6]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.