Is-isla Basbassit a Sunda
grupo dagiti isla iti akin-abagatan a Maritimo nga Abagatan a daya nga Asia From Wikipedia, the free encyclopedia
grupo dagiti isla iti akin-abagatan a Maritimo nga Abagatan a daya nga Asia From Wikipedia, the free encyclopedia
Ti Is-isla Basbassit a Sunda (Indones: Kepulauan Nusa Tenggara "purpuro akin-abagatan a daya" wenno Kepulauan Sunda Kecil "purpuro basbassit a Sundanes"[1]) ket dagiti grupo ti isla iti Maritimo nga Abagatan a daya nga Asia, iti amianan ti Australia. No kakuyogna ti Is-isla Nalatak a Sunda iti laud dagitoy ket mangbukelda iti Is-isla Sunda. Dagiti isla ket parte ti bulkaniko nga arko, ti Arko ti Sunda, a pinorma babaen ti subduksion iti igid ti Trinsera Sunda iti Baybay Java.
Patubo a nagan: Kepulauan Nusa Tenggara Kepulauan Sunda Kecil | |
|---|---|
 | |
| Heograpia | |
| Lokasion | Abagatan a daya nga Asia Akin-abagatan a laud a Pasipiko |
| Nagsasabtan | 9°00′S 120°00′E |
| Purpuro | Is-isla Sunda |
| Kangatuan nga elebasion | 3,726 m (12224 ft) |
| Administrasion | |
| Dagiti probinsia | Bali Laud a Nusa Tenggara Daya a Nusa Tenggara Maluku (Is-isla Barat Daya ken Is-isla Tanimbar laeng) |
| Demograpia | |
| Grupgrupo ti etniko | Balines, Sasak, Bimes, Atoni, Manggaraian, Sumbawan, Dompuan, Sumbes, Lamaholot, Tetum, Mambai, Kemak, Tattao a Maluku, Alfur, Habanes |
Dagiti kangrunaan nga Is-isla Basbassit a Sunda ket, manipud iti laud nga agpadaya: ti Bali, Lombok, Sumbawa, Flores, Sumba, Timor, purpuro Alor, Is-isla Barat Daya, ken Is-isla Tanimbar.
Dagiti Basbassit a Sunda ket buklen dagiti adu nga isla, kaaduan kadagitoy ket parte ti Indonesia ken naadministroda a kas dagiti probinsia ti Bali, Laud a Nusa Tenggara, Daya a Nusa Tenggara ken ti akin-abagatan a parte ti Maluku.
Ti akindaya a kagudua ti Timor ket parte ti Daya a Timor.
Ti Is-isla Basbassit a Sunda ket buklen dagiti dua a maipapan iti heolohia a naisangayan a purpuro.[2] Ti akin-amianan a purpuro, a mangiraman ti Bali, Lombok, Sumbawa, Flores ken Wetar, ket bulkaniko iti nagtaudan. Adda dagitoy a bulkan, kas ti Bantay Rinjani idiay Lombok, ket aktiboda pay laeng bayat a dagiti dadduma, a kas ti Kelimutu idiay Flores nga addaan kadagiti tallo nga addaan iti nadumaduma a maris nga abut ti bulkan a dandanaw, ket saanda nga aktibo. Ti akin-amianan a purpuro ket nangrugi a naporma idi las-ud ti Plioseno, idi agarup a 15 a riwriw a tawen, kas nagresultaan ti panagdinnungpar a nagbaetan ti Australiano ken dagiti plata Asiano.[2] Dagiti isla iti akin-abagatan a purpuro, a mairaman ti Sumba, Timor ken ti Babar, ket saanda a bulkaniko ken agparangda a tagikua ti plata Australiano.[3] Ti heolohia ken ekolohia ti akin-amianan a purpuro ket makibinningayda iti agpada a pakasaritaan, dagiti gupit ken dagiti proseso iti akin-abagatan nga Is-isla Maluku, nga agtuloy nga isu met laeng nga isla nga arko iti daya.
Adda atiddog a pakasaritaan iti panagadal iti heolohia kadagitoy a rehion manipud kadagiti panawen ti kolonia ti Indonesia; nupay kasta, ti maipapan iti heolohia a pormasion ti ken panagrang-ay ken saan unay a maawatan, ken dagiti teoria iti ebolusion dagiti isla ket nakaroda a nagbalbaliw idi las-ud dagiti naudi a dekada ti maika-20 a siglo.[4]
Mabirukan iti nagdinnungparan dagiti dua a pata ti tektoniko, ti Is-isla Basbassit a Sunda ket buklen dagiti addaan iti karikutan iti heolohia ken dagiti aktibo a rehion iti lubong.[4]
Adda dagiti bilang dagiti bulkan a mabirukan iti Is-isla Basbassit a Sunda.[5]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
