Honshu
kadakkelan nga isla iti Hapón From Wikipedia, the free encyclopedia
Ti Honshu (本州, Honshū, literal a ti "Kangrunaan a Probinsia") ([hoɴɕuː] (
dengngen)) ket isu ti kadakkelan nga isla iti Hapon. Ti kangrunaan nga isla iti daytoy a pagilian, daytoy ket mabirukan idiay abagatan ti Hokkaido iti ballasiw ti Nailet a Baybay ti Tsugaru, amianan ti Shikoku iti ballasiw ti Kinauneg a Baybay, ken amianan a daya ti Kyushu iti ballasiw ti Nailet a Baybay ti Kanmon. Isu daytoy ti maikapito a kadakkelan nga isla iti lubong, ken ti maikadua kaaduan ti populasion kalpasan ti Haba idiay Indonesia.
Patubo a nagan: 本州 | |
|---|---|
 Honshu | |
  Honshu | |
| Heograpia | |
| Lokasion | Daya nga Asia |
| Nagsasabtan | |
| Purpuro | Purpuro ti Hapon |
| Kalawa | 227,962.59 km2 (88,016.85 sq mi) |
| Ranggo ti kalawa | Maika-7 |
| Kaatiddog | 1,300 km (810 mi) |
| Kaakaba | 50–230 km (31–143 mi) |
| Aplaya | 5,450 km (3386 mi) |
| Kangatuan nga elebasion | 3,776 m (12388 ft) |
| Kangatuan a punto | Bantay Fuji |
| Administrasion | |
Hapon | |
| Prepektura | Aomori, Iwate, Miyagi, Akita, Yamagata, Fukushima, Ibaraki, Tochigi, Gunma, Saitama, Chiba, Tokyo, Kanagawa, Niigata, Toyama, Ishikawa, Fukui, Yamanashi, Nagano, Gifu, Shizuoka, Aichi, Mie, Shiga, Kyoto, Osaka, Hyōgo, Nara, Wakayama, Tottori, Shimane, Okayama, Hiroshima, Yamaguchi. |
| Kadakkelan a pagtaengan | Tokyo (pop. 12,570,000) |
| Demograpia | |
| Populasion | 103,000,000 (2005 a Senso) |
| Grupgrupo ti etniko | Hapon |
Addaan daytoy ti populasion iti 103 a riwriw idi 2005, (98,352,000 manipud idi 1990; idi 1975 ket 89,101,702), a kaaduan kadagiti magun-od a tanap, a naipangpangruna ti tanap ti Kantō nga adda 25% ti agtaeng iti dagup ti populasion iti Kalatakan a Tokyo a Lugar, a mairaman dagiti siudad ti Tokyo kenYokohama, Kawasaki, Saitama ken Chiba. Kaaduan ti industria iti daytoy a pagilian ket maburikan iti igid ti barikes a sumakop manipud iti Tokyo ti igid ti abagatan a pantar dagiti siudad ti Honshu, a mairaman ti Kyoto, Osaka, Nagoya, Kobe, ken Hiroshima, a kas paet iti Taiheiyo a Barikes.
Ti ekonomia iti igid ti amianan a laud a pantar babaen ti Baybay ti Hapon ket kaaduan a panagkalap ken agrikultura;[1] Ti Niigata ket naipaammo a kas maysa a nangruna nga agpadpataud iti bagas. Dagiti tanap ti Kantō ken Nōbi ket agpadpataudda iti bagas ken natnateng. Ti Yamanashi ket maysa a kangrunaan a lugar a pagtalonan kadagiti prutas, ken ti Aomori ket nalatak para kadagiti prutasna a mansanas.
Dagiti nailatakan a naipakasaritaan a sentro ket mairaman ti Kyoto, Nara, ken Kamakura.
Daytoy nga isla ket aganay a 1,300 kilometro (810 mi) i kaatiddog ken sumakop manipud iti 50 iti 230 km (31 iti 143 mi)a kalawa, ken ti dagup a kalawana ket 227,962.59 km2 (88,016.85 sq mi), 60% iti dagup ti Hapon. Dakdakkel daytoy ngem ti Gran Británia, ken dakdakkel bassit ngen tiAmerikano nga estado iti Minnesota. Daytoy a lugar ket naipadpadakkel babaen ti reklamasion ti daga ken ti panagpangato ti pantar iti amianan, ngem ti sangalubongan a panagpangato ti pantar ti baybay ket nagpabassit ti banagna daytoy. Ti Honshu ket addaan iti aplaya iti 5,450 kilometro (3,386 mi).
Gapu ta banbantay ken bulkaniko, ti Honshu ket addaan iti kanayon a gingined (ti Nalatak a Kantō a gingined ket napisa a nakadadaek iti Tokyo idi Septiembre 1923, ken ti gingined iti Marso 2011 ket inyalisna ti sibubukel nga isla babaen ti 2.4 m (7.9 ft)[2] a daytoy ket nagpataud ti didigra a tsunami); ti kangatuan nga ungto ket ti aktiboa bulkan a Bantay Fuji iti 3,776 m (12,388 ft), a mangipabalin daytoy ti maika-7 a kangatuan nga isla. Adu pay dagiti karayan, a mairaman ti Karayan Shinano, ti kaatiddogan iti Hapon. Ti klima ket temperado, ngem adda dagiti adu a paggiddiatan ti nagbaetan ti akindaya wenno akin-abagatan (Pasipiko wenno pantar ti Kinauneg a Baybay) a bakrang, ken ti akinlaud wenno akin-amianan (pantar ti Baybay ti Hapon) a bakrang. Ti kabanbantayan ket gumay-at iti igid ti kaatiddog iti Honshu manipud iti rugi aginggana ti patingga. Ken mainayon pay ti Bantay Fuji, ti Hapon nga Alpes ket dagiti langa pay ti Honshu.
Ti Honshu ket naikapet kadagiti isla iti Hokkaido, Kyushu ken Shikoku babaen dagiti tunel wenno rangtay. Dagiti tallo a baro a rangtay a sistema ket naipatakder ti ballasiw kadagiti isla iti Kinauneg a Baybay a nagbaetan ti Honshu ken Shikoku (Rangtay Akashi Kaikyō ken ti Rangtay Ōnaruto; Rangtay Shin-Onomichi, Rangtay Innoshima, Rangtay Ikuchi, Rangtay Tatara, Rangtay Ōmishima, Rangtay Hakata-Ōshima, ken ti Rangtay Kurushima-Kaikyo; Rangtay Shimotsui-Seto, Rangtay Hitsuishijima, Rangtay Iwakurojima, Rangtay Yoshima, Rangtay Kita Bisan-Setoe, ken ti Rangtay Minami Bisan-Seto), ken ti Tunel Seikan ket mangikapet ti Honshu iti Hokkaido.
Ti isla ket nominal a naibingbingay iti lima a rehion ken buklen dagiti 34 a prepektura, a mairaman ti metropolitano a Tokyo. Dagiti rehion ket ti Chūgoku (akinlaud), Kansai (akin-abagatan, daya iti Chūgoku), Chūbu (tengnga), Kantō (akindaya), ken Tōhoku (akin-amianan). Adda dagiti babassit nga isla a mairaman kagitoy a prepektura, dagiti naisangayan ket ti Is-isla ti Ogasawara, Isla ti Sado , Izu Oshima, ken Isla ti Awaji.
Dagiti prepektura:
- Tōhoku — Prepektura ti Aomori, Prepektura ti Iwate, Prepektura ti Miyagi, Prepektura ti Akita, Prepektura ti Yamagata, Prepektura ti Fukushima.
- Kantō — Prepektura ti Ibaraki, Prepektura ti Tochigi, Prepektura ti Gunma, Prepektura ti Saitama, Prepektura ti Chiba, Tokyo, Prepektura ti Kanagawa.
- Chūbu — Prepektura ti Niigata, Prepektura ti Toyama, Prepektura ti Ishikawa, Prepektura ti Fukui, Prepektura ti Yamanashi, Prepektura ti Nagano, Prepektura ti Gifu, Prepektura ti Shizuoka, Prepektura ti Aichi.
- Rehion ti Kansai — Prepektura ti Mie, Prepektura ti Shiga, Prepektura ti Kyoto, Prepektura ti Osaka, Prepektura ti Hyōgo, Prepektura ti Nara, Prepektura ti Wakayama.
- Rehion ti Chūgoku — Prepektura ti Tottori, Prepektura ti Shimane, Prepektura ti Okayama, Prepektura ti Hiroshima, Prepektura ti Yamaguchi.
Ti akin-amaianan unay nga ungto idiay Honshu ket ti murdong iti Shimokita a Peninsula idiay Ōma, Aomori. Ti akin-abagatan unay a patingga ket naisanglad idiay Rawis a Kure idiay Kushimoto, Wakayama. Daytoy nga isla ket nabeddengan iti daya babaen ti Todogasaki idiay Miyako, Iwate ken iti laud babaen ti Bishanohana idiay Shimonoseki, Yamaguchi. Sumakop daytoy ti sumurok a walo a grado iti latitud ken 11 a grado iti longitud.
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
