Henero-kita

Iti biolohiko a pannakaidasig, a naipangpangruna iti soolohia, ti henero-kita ket ti henero a mangipalawag ti biolohiko a pamilia ken ti ramut ti nagan ti pamilia.

Ti babai a mallard (Anas platyrhynchos) ken dagiti piekna . Ti Anas ket ti henero-kita para ti pamilia ti Anatidae.

Soolohiko a nomenklatura

Segun ti Internasional a Kodigo ti Soolohiko a Nomenklatura, "Ti kita nga agnagan iti maysa a nominal a takson ti pamilia-grupo ket maysa a nominal a henero a tinawtawagan iti 'henero-kita'; ti nagan ti pamilia-grupo a naibatay iti henero-kita."^[1]

Ti ania man a nagan ti pamilia-grupo ket nasken nga addaan iti henero-kita (ken ti ania man a nagan ti henero-grupo ket nasken nga addaan iti sebbangan-kita, ngem ti ania man a nagan ti sebbangan-grupo ket mabalin a, ngem saan a nasken, nga addaan iti maysa wenno ad-adu a kita dagiti espesimen). Ti henero-kita para iti nagan ti pamilia-grupo ket ti henero pay a mangited ti ungkay a nakainayonan ti pagpatinggaan nga -idae (para kadagiti pamilia).

Pagarigan: Ti nagan ti pamilia ti Cricetidae ket addaan iti henero-kita iti henero ti Cricetus Leske, 1779.

Botaniko a nomenklatura

Iti botaniko a nomenklatura, naus-usar ti insasao a "henero-kita", a saan nga opisial, a kas maysa a termino iti panagpalaka. Iti ICN awan ti kasasaad daytoy nga insasao. Agus-usar ti kodigo kadagiti kita ti espesimen para kadagiti ranggo aginggana iti pamilia, ken pagpilian laeng dagiti kita para kadagiti nangatngato a ranggo.^[2] Saan a mangibaga ti kodigo kadagiti henero nga aglaon iti dayta a kita a kas maysa a "henero-kita".

Pagarigan: ti "Poa ket ti henero-kita ti pamilia ti Poaceae ken ti urnos ti Poales" ket ti sabali a waya iti panangibaga a dagiti nagan a Poaceae ken Poales ket naibatayda iti kadawyan a nagan iti Poa.

Kitaen pay

• Sebbangan-kita

Dagiti nagibasaran

1. ICZN Code Art. 63. "Name-bearing types."
2. McNeill, J.; Barrie, F.R.; Buck, W.R.; Demoulin, V.; Greuter, W.; Hawksworth, D.L.; Herendeen, P.S.; Knapp, S.; Marhold, K.; Prado, J.; Prud'homme Van Reine, W.F.; Smith, G.F.; Wiersema, J.H.; Turland, N.J. (2012). International Code of Nomenclature for algae, fungi, and plants (Melbourne Code) adopted by the Eighteenth International Botanical Congress Melbourne, Australia, July 2011. A.R.G. Gantner Verlag KG. ISBN 978-3-87429-425-6. Naiyarkibo manipud iti kasisigud idi 2016-03-05. Naala idi 2019-02-07.