probinsia ti Indonesia From Wikipedia, the free encyclopedia
Ti Gorontalo (Hulontalo) ket ti probinsia ti Indonesia iti isla ti Sulawesi. Daytoy ket napartuat idi Disiembre 5, 2000.[1] Iti pakasaritaan, daytoy ket sentron para iti pannakaiwarwaras ti Islam iti Akindaya nga Indonesia. Naisangayan ti klasiko a napino nga arte ken kultura ti Gorontales kas ti Karawo, Upiya Karanji (Songkok Gorontalo) wenno ti parbo a nagan iti "Peci Gusdur" (ti Gusdur kas ti Maika-4 a Presidente ti Indonesia), ken daniw.[2] Ti probinsia ti Gorontalo ket mabirukan iti peninsula (Peninsula Gorontalo) iti akin-amianan a parte ti Sulawesi, a mabirukan iti akinlaud a parte ti probinsia ti Amianan a Sulawesi. Ti dagup a kalawa ti probinsia ket 12,435 kuadrado kilometro (4,801 sq mi) ken addaan iti populasion iti 1, 133, 237(2016), ken ti densidad ti populasion iti 88 nga agtataeng / km².[3] Ti Gorontalo ket kangrunaan a tinagtagitao babaen dagiti nadumaduma a grupo a buklen dagiti nadumaduma a Pohala'a (Pamilia), kadagitoy ket ti Pohala'a Gorontalo (Etniko a Hulontalo), Pohala'a Suwawa (Etniko a Suwawa/Tuwawa), ken Pohala'a Limboto (Etniko a Limutu). Ti Pohala'a Bolango (Etniko a Bulango/Bolango) ken Pohala'a Atinggola (Etniko a Atinggola) ket maikategoriada pay kadagiti tribu ti Gorontalo (ammo pay a kas Hulontalo, Gorontalese wenno Gorontaloan). Naipampamattian daytoy a ti pannakaiwarwaras ti diaspora a Gorontales ket nakaabot iti maminlima a beses iti agdama a populasion idiay Gorontalo ken naiwarwarasda itan iti amin a paset ti Indonesia ken dagiti dadduma a pagilian .[4]
Gorontalo | |
---|---|
Nagsasabtan: | |
Pagilian | Indonesia |
Napundar | 2000 |
Kapitolio | Gorontalo |
Gobierno | |
• Daulo | Rusli Habibie |
Kalawa | |
• Dagup | 12,215.44 km2 (4,716.41 sq mi) |
Kangato | 43 m (141 ft) |
Populasion (2022) | |
• Dagup | 1,192,737 |
• Densidad | 98/km2 (250/sq mi) |
Kodigo ti koreo | 96111 - 96574 |
Website | www |
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.