Ti Chiococca alba ket ti sebbngan ti agsabsabong a mula iti pamilia ti kape (Rubiaceae) a patneng iti Florida ken ti adayo nga akin-abagatan nga ungto ti Texas iti Estados Unidos,[3] Bermuda,[2] Mehiko, Tengnga nga Amerika, ti Karibe, ti Galápagos, ken ti tropikal nga Abagatan nga Amerika. Dagiti kadawyan a nagan iti Ingles ket mairaman ti David's milkberry, West Indian milkberry, cahinca[4] ken West Indian snowberry.[5] Ti espesipiko nga epiteta iti alba, a ti kayatna a sawen ket "puraw" iti Latin ken mangibagbaga iti maris dagiti bungana.[6]
| Chiococca alba | |
|---|---|
 | |
| Taksonomia | |
| Pagarian: | |
| (di nairanggo): | |
| (di nairanggo): | |
| (di nairanggo): | |
| Urnos: | |
| Pamilia: | |
| Henero: | |
| Sebbangan: | C. alba |
| Dua a nagan | |
| Chiococca alba | |
| Kapada a nagan | |
|
Chiococca bermudiana S.Br.[2]
Chiococca racemosa L. | |
Deskripsion
Ti Chiococca alba ket kankanayon a berde a[4] natarikayo a kumalatkat wenno dumalapdap a bassit a mula a kadawyan nga agtubo kadagiti sabali a mula ken mabalin a makaabot iti katayag iti 6 m (20 ft).[5] Dagiti agsumbangir a simple a bulong ket 5–11 cm (2.0–4.3 in) iti kaatiddog ken mabalin nga eliptiko agingggana iti arinduyog wenno akaba a timmirad iti sukog. Duyaw, sukog kampana a sabsabong ket aginggana iti 1 cm (0.39 in) iti kaatiddog ket agparang iti amin a paset ti tawen[7] kadagiti rasimo wenno kadagiti panikula iti innem aginggana iti walo.[8] Ti bunga ket puraw a drupa 4–7 mm (0.16–0.28 in) iti diametro[7] a kadawyan nga aglaon kadagiti dua a nangisit a kayumanggi a bukel.[5]
Taksonomia
Ti Lonicera alba ket naipalawag idi 1753 babaen ni Carl Linnaeus.[9] Naiyalis daytoy iti Chiococca idi 1893 babaen ni A. S. Hitchcock,[1] ken naikedeng a ti sebbangan-kita ti henero.[10] Implawag ni Stewardson Brown ti populasion ti mula iti Bermuda kas maysa a baro a sebbangan, ti C. bermudiana, idi 1909 gapu ti napuspusasaw a berde ken dakdakkel a bulong, dakdakkel a berry, ken ak-akaba ken at-atiddog a pediselo. Adu kadagiti autoridad a mangikeddeng ti C. bermudiana a sinonimo ti C. alba.[2]
Dagiti usar
Ti C. alba ket sagpaminsan a maimulmula a kas ornamental para iti nangisit a berde a bulongna, kankanayon a berde a bulbulong ken dagiti puraw a drupa. Naus-usar daytoy iti espaldera ke nnaimulmula kadagiti trellis.[8] Adda dagiti nadumaduma nga usar dagiti ramut iti yierba nga agas, a mairaman kas maysa a laksante, pagpaisbo, panagpasarrua, ken agas ti panagburis.[5] Dati a komersial a nailaklako ti mula iti Europa ken ti Estados Unidos para kadagita a pangggep.[11]
Dagiti nagibasaran
Dagiti akinruar a silpo
Wikiwand in your browser!
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
