baybay From Wikipedia, the free encyclopedia
Ti Baybay Molucca (Indones: Laut Maluku) ket mabirukan idiay akinlaud a Taaw Pasipiko, iti kaunegan ti pagilian ti Indonesia. Ti rehion ket nabaknang iti korales ken adddaan kadagiti adu a lugar a pagbatokan.
Baybay Molucca | |
---|---|
Laut Maluku | |
Lokasion | Abagatan a daya nga Asia |
Nagsasabtan | 0°25′S 125°25′E |
Kita | SBaybay |
Parte ti | Taaw Pasipiko |
Pagpagilian ti labneng | Indonesia |
Kaadaleman | 4,810 m (15,781 ft) |
Dagiti pagtaengan | Siudad ti Ternate |
Ti Baybay Molucca ket beddenganna ti Baybay Banda iti abagatan ket ti Baybay Celebes iti amianan.
Dagiti isla a mangbeddeng iti Baybay Molucca ket mairaman ti Halmahera iti amianan a daya, ti Buru ken Ceram iti tengnga, ken ti Sulawesi iti laud. Ti Is-isla Talaud iti amianan ket kadawyan a ti patingga ti baybay, babaen ti Plata Baybay Molucca, ti tektoniko a plata a nainaganan iti baybay ket sumakop iti ad-adayo nga amianan.
Ipalawag ti Gunglo ti Internasional a Hidrograpiko (IHO) ti "Baybay Molucca" a kas maysa kadagiti danum ti Purpuro Daya nga India. Ipalawag ti IHO dagiti patingga ti Baybay Molucca a kas dagiti sumaganad:[1]
Iti amianan. Babaen ti linia manipud iti amianan a daya a patingga ti Celebes [Sulawesi] babaen dagiti Isla Siau iti abagatan a punto ti Sangi (3°21′N 125°37′E) kalpasanna mapan iti akin-abagatan a patingga ti Grupo Talaud, babaen kadagitoy nga isla aginggana kadagiti akin-amianan a daya a patinggada (4°29′N 126°52′E) ken kalpasanna ti linia a mapan iti Tanjong Sopi, ti akin-amianan a punto ti Isla Morotai.
Iti daya. Babaen ti laud nga aplaya ti Morotai manipud iti Tanjong Sopi ken iti ad-adayo iti abagatan ti Wajaboela (2°17′N 128°12′E), kalpasanna ti linia a mapan iti akin-amiana a punto ti Halmahera ken agpababa iti laud nga aplayana a mapan iti Tanjong Libolo, ti akin-abagatan a patinggana.
Iti abagatan. Ti linia manipud iti akin-abagatan a patingga ti Halmahera aginggana iti amianan a punto ti Isla Bisa (Setile), kalpasanna idiay akin-amianan a patingga ti Obi Mayor, babaen ti daytoy nga isla aginggana iti Tanjong Ake Lamo, ti akin-abagatan a laud a puntona , kalpasanna mapan idiay Tanjong Dehekolano, ti akindaya a patingga ti Is-isla Soela [Sula] , iti igid dagiti akin-amianan nga aplayada iti Tanjong Marikasoe, ti akinlaud a patingga, kalpasanna ti linia iti abagatan a daya a punto ti Isla Banggai (1°43′S 123°36′E).
Iti laud. Dagiti daya nga aplaya ti Is-isla ti Banggai ken Peleng aginggana iti amianan a Bangkalan (1°10′S 123°18′E) kalpasanna ti linia a mapan iti Tg. Botok (Celebes) (1°04′S 123°19′E) iti likmut iti aplaya iti Tg. Pasir Pandjang (0°39′S 123°25′E) ken iti ballasiw iti Tg. Tombalilatoe (123°21'E) iti kasumbangir iti aplaya, kalpasanna agpangato iti daya nga aplaya a mapan iti Tg. Poeisan, ti akin-amianan a daya a patingga ti Celebes.
Ti Baybay Molucca ket maysa idi nga aktibo a lugar a pagtagilakuan ti rekado ken ammo pay a kas ti is-isla ti rekado , ken tinengngel idi babaen dagiti 4 a sultanato. Ti Portuges, ti Olandes, Ti Britaniko, ken Ti Espaniol.
Ti baybay sismiko nga aktibo a lugar gapu ti Plata Baybay Molucca.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.