Bandar Seri Begawan

Ti Bandar Seri Begawan BA(H)ND-ə sə-REE bə-GOW-ən (Jawi: بندر سري بڬاوان ; Malayo: [ˌbanda səˌri bəˈɡawan]) dati nga ammo a kas ti Brunei Town, ket ti kapitolio ken kadakkelan a siudad ti Sultanato ti Brunei. Ti Bandar Seri Begawan ket addaan iti nakarkulo a populasion iti 20,000,^[1] ken mairaman ti sibubukel a Distrito ti Brunei-Muara, ti lugar ti metro ket addaan iti nakarkulo a populasion iti 279,924.^[2]

Bandar Seri Begawan Brunei Town
Dagiti transkripsion a
Parbo a nagan:  Bandar wenno BSB
Bandar Seri Begawan
Nagsasabtan: 4°53′25″N 114°56′32″E
Pagilian	Brunei
Distrito	Brunei Muara
Imperio ti Brunei	Maika-17 ken 18 a siglo
Tinagtagitao ti Britania	Maika-19 a siglo
Panagdur-as ti daga babaen ti Britania	1906
Panagtagitao manen babaen ti sentro nga administrasion ti Sultanato ti Brunei	1909
Munisipalidad ken naikkan iti kasasaad a siudad	1920
Kalawa
• Siudad	100.36 km2 (38.75 sq mi)
Populasion  (2015)
• Siudad	50,000
• Densidad	1,395/km2 (3,610/sq mi)
• Urbano	279,924
• Demonimo	Seri Begawanes / Orang Bandar Taga-Bandar Seri Begawan
Sona ti oras	UTC+8 (BNT)
Kodigo ti lugar	+673 02
Website	www.municipal-bsb.gov.bn

Etimolohia

Ti kasisigud a nagan idi para iti siudad ket "Bandar Brunei" wenno "Brunei Town" iti Ingles. Idi 1967, ni Sultan Omar Ali Saifuddien III ket nagikkat tapno maiparabor iti kalakayan nga anakna a lalaki, ni Hassanal Bolkiah ken nangala iti titulo iti "Seri Begawan".^[3] Ni Bolkiah ket inaramid idin a kas ministro ti depensa ken idi 5 Oktubre 1970, ninagananna ti siudad a kas pammadayaw iti natayen nga amana.^[3][4][5][6] Ti balikas a "Begawan" ket inus-usar pay idi para kadagiti monarko ti Brunei a nagikkat, ti balikas ket kasisigud a nagtaud manipud iti Sanskrito a balikas para iti "dios": भगवान bhagavān. Malaksid iti dayta, ti Seri Begawan ket ammo pay idi a kas ti "nasantuan" iti Sanskrito.^[4] Ti Seri ket nagtaud manipud iti pammadayaw a balikas ti Sanskrito iti Sri, ken ti Bandar ket nagtaud manipud iti Persiano babaen ti dagiti pagsasao ti India ken kasisigud a ti kaibuksilanna ket "pagsangladan" wenno "puerto" wenno "pagsammakedan".^[4][6] Iti Malayo, ti bandar ket ammo pay a kas "ili" wenno ti "siudad".