![cover image](https://wikiwandv2-19431.kxcdn.com/_next/image?url=https://upload.wikimedia.org/wikipedia/commons/thumb/d/d9/Zachary_Taylor-circa1850.jpg/640px-Zachary_Taylor-circa1850.jpg&w=640&q=50)
Zachary Taylor
maika-12 a Presidente ti Estados Unidos iti Amerika / From Wikipedia, the free encyclopedia
Ni Zachary Taylor (Nobiembre 24, 1784 – Hulio 9, 1850) ket isu idi ti maika-12 a Presidente iti Estados Unidos (1849–1850) ken maysa nga Amerikano a daulo ti militar. Nangrugrugi a nagayat iti politiko, ni Taylor ket timmaray a kas maysa a Whig iti 1848 a panagbubutos to presidente, nga inabakna ni Lewis Cass. Isu ket maysa nga agmulmula ken agtagtagabu ken naikauertel idiay Baton Rouge, Louisiana.
Zachary Taylor | |
---|---|
![]() | |
Maika-12 a Presidente iti Estados Unidos | |
Nagakem Marso 4, 1849[lower-alpha 1] – Hulio 9, 1850 | |
Bise Presidente | Millard Fillmore |
Inunaan ni | James Polk |
Sinaruno ni | Millard Fillmore |
Dagiti bukod a salaysay | |
Naiyanak | (1784-11-24)Nobiembre 24, 1784 Barboursville, Virginia, E.U. |
Natay | Hulio 9, 1850(1850-07-09) (tawen 65) Washington, D.C., U.S. |
Partido ti politika | Whig |
A(s)sawa | Margaret Smith |
Annak | Margaret Smith Sarah Knox Ann Mackall Octavia Pannell Mary Elizabeth Richard |
Propesion | Komandante heneral |
Pirma | ![]() |
Serbisio iti militar | |
Tumalekan | Estados Unidos |
Serbisio/sanga | Buyot ti Estados Unidos |
Tawtawen iti serbisio | 1808–1849 |
Ranggo | Komandante heneral |
Binilbilin | Buyot iti Panagsakup |
Bakbakal/gubgubat | Gubat iti 1812 • Sillong iti Kota Harrison Black Hawk a Gubat Maikadua a Gubat ti Seminole • Gubat iti Danaw Okeechobee Gubat Mehikano–Amerikano • Gubat iti Palo Alto • Gubat Resaca de la Palma • Gubat Monterrey • Gubat iti Buena Vista |
Isu ket ammo a kas ti "Narusanger a lakay ken Sisasagana," ni Taylor ket adda ti 40 a tawtawen a pagsapulan iti militar iti Buyot ti Estados Unidos, a nagserbi ti Gubat iti 1812, ti Black Hawk a Gubat, ken ti Maikadua a Gubat ti Seminole. Isu ket nakagun-od ti kalatakan gapu ti panangidaulona ken panagballigi dagiti tropa ti Almerikano iti Gubat iti Palo Alto ken ti Gubat iti Monterrey idi panawen ti Gubat Mehikano–Amerikano.
A kas presidente, ni Taylor ket nakaparurod kadagiti taga-Abagatan babaen ti panagala ti natimbeng a takder iti banag a panagtagabu. Isu ket nangaw-awis kadagiti nagtaeng idiay New Mexico ken California a manglabas ti entablado ti teritorio ken ken agaramid ti burador ti batay-linteg para iti panakaestado, a nakaaramid daytoy para iti Kompromiso iti 1850.
Ni Taylor ket pimmusay idi Hulio 9, 1850, 16 a bulbulan kalpasan nga immuna a nagtakem; daytoy ti maikatlo a kaababaan a termino ti ania man a Presidente.[lower-alpha 2] Naipamatmati nga isu ket pimmusay iti gastroenteritis. Ni Presidente Taylor ket sinarunuan babaen ti Bise Presidentena, a ni Millard Fillmore.
Ni Taylor ket isu idi ti naudi a Presidente a nagtagikua kadagiti tagabu nga isu ket agtaktakem ti opisina. Isu idi ti maikadua ken kinaudi a Whig a nabutosan a presidente, ken ti makadua a naudi a nagserbi a kas presidente; a ti naudi ket ni Fillmore. Ni Taylor ket isu pay idi ti maikadua a presidente a natay bayat nga adda ti opisina, a sinarunona babaen ni William Henry Harrison nga isu ket pimmusay bayat nga agserserbi a kas Presdente idi siam a napalabas a panawen.