Yuri Gagarin
Sobiet a piloto ken kosmonauta / From Wikipedia, the free encyclopedia
Ni Yuri Alekseyevich Gagarin (Ruso: Ю́рий Алексе́евич Гага́рин[1], IPA: [ˈjʉrʲɪj ɐlʲɪˈksʲejɪvʲɪtɕ ɡɐˈɡarʲɪn]; 9 Marso 1934 – 27 Marso 1968) ket maysa idi a Sobiet a piloto ken kosmonauta. Isu idi ti immuna a tao a nagbanniaga a napan idiay akin-ruar a limbang, idi ti Vostok a lugan ti limbang ket nakalpas ti maysa a pagliklikmutan ti Daga idi 12 Abril 1961.
Yuri Gagarin Юрий Гагарин | |
---|---|
Sobiet a kosmonauta Ti immuna a tao idiay limbang | |
Pakipagilian | Sobiet |
Kasasaad | Pimmusay |
Naipasngay | (1934-03-09)9 Marso 1934 Klushino, Ruso nga SFSR, Kappon ti Sobiet |
Pimmusay | 27 Marso 1968(1968-03-27) (tawen 34) Novosyolovo, Ruso nga SFSR, Kappon ti Sobiet |
Sabali a trabaho | Piloto |
Ranggo | Koronel(Polkovnik), Aero Puersa ti Sobiet |
Kabayag iti limbang | 1 nga oras, 48 a minutos |
Panakapili | Aero Puersa Grupo 1 |
Dagiti mision | Vostok 1 |
Dagiti gungguna |
Ni Gagarin ket nagbalin a maysa nga internasional a selebridad, ken nagungunaan idi kadagiti adu a medalia ken dagiti titulo, a mairaman ti Banuar ti Kappon ti Sobiet, ti kangatuan a pammadayaw ti pagilian. Ti Vostok 1 ket nangmarka nga is-isu laeng ti luganna ti limbang, ngem nagserbi a kas reserba a tripulante ti mision ti Soyuz 1 (a kinanungpalan ti didigra a panakaibangga). Kalpasan daytoy ni Gagarin ket nagbalin a deputado a drektor nga agsansanay ti Sentro ti Panagsanay ti Kosmonauta idiay ruar ti Moscow, a kalpasan daytoy ket naipanaganan kaniana. Ni Gagarin ket pimmusay idi 1968 idi ti panagsansanay a MiG 15 a jet a pinilotona ket naibangga.