Olandes a pintor From Wikipedia, the free encyclopedia
Ni Vincent Willem van Gogh (Marso 30, 1853 – Hulio 29, 1890) ket maysa a pintor nga Olandes, a kaaduan a mabigbigbig kas maysa kadagiti kalalaingan a pintor iti pakasaritaan ti arte iti Europa. Pinutarna dagiti obrana (mapattapatta nga aganay a 900 a pinintaan ken 1,100 a drowing) iti uneg laeng ti sangapulo a tawen sakbay a nagsagaba iti sakit ti isip (a maatap a gapu iti a bipolar disorder) sa nagpakamatay. Saan unay a nagballigi kas pintor idi sibibiag pay, ngem kalpasan ti ipapatayna napartak ti panaglatakna, nangruna idi maipabuya ti 71 a pinturana idiay Paris idi Marso 17, 1901 (11 a tawen kalpasan ti ipupusayna).
| Vincent van Gogh | |
|---|---|
 | |
| Nayanak | Vincent Willem van Gogh 30 Marso 1853 Zundert, Netherlands |
| Natay | Hulio 29, 1890 (tawen 37) Auvers-sur-Oise, Pranses |
| Pakipagilian | Olandés |
| Nakaam-ammuan | Pintor, pinintaan, imprenta[1] |
| Nalatak nga obra | Ti Aruanagan ti Kinaagnanayon, Dagiti Mangmangan ti Patatas, Siled a pagturogan idiay Arles, Ti Pak-kapean ti Rabii, Dagiti Marisol, Cafe Terrace iti Rabii, TI Nabituenana Rabii, Lirios, Retrato ni Dr. Gachet, Katriguan nga addaan dagiti Wak |
| Tignay | Post-Impressionism |
Ti impluensia ni Van Gogh iti expressionismo, fauvismo ken nasapa nga abstraksion ket nakasaksaknap, kas makita iti adu nga agduduma nga aspekto ti maika-20 a siglo nga arte. Ti Museo Van Gogh iti Amsterdam ket nairuknoy kadagiti obra ni Van Gogh ken dagiti kapatadanna. Ti Museo Kröller-Müller iti Otterlo iti met laeng Olanda, ket addaan met iti adu a koleksion ti pinintaan ni Van Gogh. Sumagmamano a pintura ni Van Gogh ket mairaman kadagiti kanginginaan a pinintaan iti lubong. Idi Marso 30, 1987, ti pinintaan ni Van Gogh nga Irises ket nalako iti US$53.9 milion iti Sotheby's; idi met Mayo 15, 1990, ti pinintaanna a Portrait of Dr. Gachet ket nalako iti US$82.5 milion iti Christie's.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
