Bietnam
pagilian idiay Abagatan a Daya nga Asia From Wikipedia, the free encyclopedia
pagilian idiay Abagatan a Daya nga Asia From Wikipedia, the free encyclopedia
Ti Bietnam (/ˌvjɛtˈnɑːm/ (dengngen), /ˌvjɛtˈnæm/), opisial a ti Sosialista a Republika ti Bietnam (Cộng hòa xã hội chủ nghĩa Việt Nam (listen)), ket isu ti akindaya unay a pagilian iti Peninsula ti Indotsina a Peninsula iti Abagatan a daya nga Asia. Addaan daytoy iti nakarkulo a 87.8 a riwriw nga agtataeng manipud idi 2011, daytoy ti maika-13 a kaaduan ti populasion a pagilian iti lubong, ken ti maika-8 a kaaduan ti populasion a pagilian iti Asia. Ti nagan ti Bietnam ket maipatarus a kas ti "Abagatan a Biet", ken opisial a naampon idi 1945. Ti pagilian ket nabeddengan babaen ti Tsina iti amianan, ti Laos iti amianan a laud, ti Cambodia iti abagatan a laud, ken ti Baybay Abagatan Tsina iti daya.[8] Ti siudad a kapitoliona ket ti Hanoi manipud idi naikaykaysa iti Amianan ken Abagatan a Bietnam idi 1976.
Sosialista a Republika ti Bietnam Cộng hòa xã hội chủ nghĩa Việt Nam | |
---|---|
Napili a pagsasao: Độc lập – Tự do – Hạnh phúc "Panagwaywayas – Wayawaya – Kinaragsak" | |
Nailian a kanta: "Tiến Quân Ca" "Martsa ti Buyot" (umuna aberso) | |
Kapitolio | Hanoi 21°2′N 105°51′E |
Kadakkelan a siudad | Siudad ti Ho Chi Minh |
Opisial a sasao | Bietnamis |
Dagiti Opisal a sinuratan | Alpabeto a Bietnamis |
Nagan dagiti umili | Bietnamis |
Gobierno | Nominal a Marxista–Leninista nga agmaymaysa a partido nga estado |
• Sapasap a Sekretario | Nguyễn Phú Trọng |
• Bise Presidente | Võ Thị Ánh Xuân |
• Kangrunaan a Ministro | Phạm Minh Chính |
• Mangipangulo ti Nailian nga Asemblia | Vương Đình Huệ |
• Pangulo a Hustisia | Nguyễn Hòa Bình |
Lehislatura | Nailian nga Asemblia |
Panakabangon | |
• Wayawaya manipud iti Tsina | 938 |
• Wayawaya manipud iti Pransia | 2 Septiembre 1945 |
2 Hulio 1976[1] | |
• Agdama a batay-linteg | 15 Abril 1992 |
Kalawa | |
• Dagup | 331,210 km2 (127,880 sq mi) (Maika-65) |
• Danum (%) | 6.4[2] |
Populasion | |
• Senso idi 2019 | 96,208,984[3] (Maika-16) |
• Densidad | 295.0/km2 (764.0/sq mi) (Maika-29) |
GDP (PPP) | Karkulo idi 2012 |
• Dagup | $320.874 bilion[4] |
• Tunggal maysa a tao | $3,549[4] |
GDP (nominal) | Karkulo idi 2012 |
• Dagup | $135.411 bilion[4] |
• Tunggal maysa a tao | $1,498[4] |
Gini (2008) | 35.6[5] kalalainganna |
HDI (2013) | 0.638[6] kalalainganna · Maika-121 |
Kuarta | đồng (₫)[7] (VND) |
Sona ti oras | UTC+7 (ICT (Oras ti Indotsina) UTC+7) |
UTC+7 (No DST) | |
Pagmanehuan | kanawan |
Kodigo ti panagtawag | 84 |
TLD ti internet | .vn |
|
Dagiti Bietnamis ket nagbalinda a nawaya manipud iti Imperial a Tsina idi 938 AD, kalpasan ti Gubat ti Karayan Bạch Đằng. Dagiti nagsasaruno a Bietnamis a naarian a dinastia ket rimmang-ay idi ti pagilian ket heograpiko ken politikal a nagpadakkel iti Abagatan a daya nga Asia, aginggana idi ti Peninsula ti Indotsina ket nakolonisado babaen ti Pransia idi tengnga ti maika-19 a siglo. Ti Umuna a Gubat ti Indotsina ket dimtengan ti pannakaiturong ti pannakapapanaw dagiti Pranses idi 1954, a nakaibatbatian ti politiko a pannakabingbingay ti dua nga estado ti Bietnam, ti Amianan ken Abagatan a Bietnam. Ti suppiat a nagbaetan dagitoy dua a bangir ket kimmaro, nga adda dagiti adu a gangganaet a pannakibibiang, idi las-ud ti Bietnam a Gubat, a nagpatinggaan ti panagballigi ti Amianan a Bietnam idi 1975.
Ti Bietnam idin ket naipagkaykaysa babaen ti maysa a Komunista a gobierno, ngem daytoy ket politikal a naisinsina ken pimmanglaw. Idi 1986, ti gobierno ket nangirugi ti serye kadagiti ekonomiko ken politikal a reporma, a nagirugian ti dalan a pannakaikaduaan ti Bietnam kadagiti ekonomia iti lubong.[9] Babaen idi 2000, daytoy ket nakaipatakderen kadagiti kaaduan a diplomatiko a pannakibiang kadagiti pagilian. Ti panagpadakkel ti ekomnomiana ket maysa kadagiti kangatuan iti lubong manipud idi 2000,[9] ken segun ti Citigroup, agtultuloyto iti kastoy nga idadakkel. Ti Bietnam ket addaan iti kangatuan a Gapuanan a Pagsurotan ti Sangalubongan a Panagpadakkel kadagiti 11 a kangrunaan nga ekonomia,[10] ken dagiti nagballigi a panagrepormana ti ekonomia ken ti pannakitiponna ti Organisasion ti Sangalubongan a Komersio idi 2007. Nupay kasta, ti pagilian ket agtultuloy nga agsagsagaba kadagiti nangato nga agpang ti inekualida ti matgedan, dagiti adu a paggiddiatan ti panagaywan ti salun-at a probision, ken dagiti saan a nasayaat a ekualidad ti henero.[11][12][13][14][15]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.