trinsera iti taaw From Wikipedia, the free encyclopedia
Ti Trinsera ti Filipinas (ammo pay a kas Kaadaleman ti Filipinas, Trinsera ti Mindanao, ken Kaadaleman ti Mindanao) ket ti maysa a submarino a trinsera iti daya ti Filipinas. Mabirukan ti trinsera iti baybay Filipinas iti akinlaud nga Amianan a Taaw Pasipiko ken agtuloy iti Amianan-Amianan laud-Abagatan-Abagatan daya.[1] Daytoy ket agatiddog iti agarup a 1,320 kilometro (820 milia) ken agakaba iti agarup a 30 km (19 mi) manipud iti tengnga ti isla ti Filipinas iti Luzon ken mapan iti abagatan daya aginggana iti akin-amianan nga isla ti Maluku ti Halmahera iti Indonesia. Iti kaadaleman a puntona, makaabot ti trinsera iti 10,540 metro (34,580 ft) wenno (5,760 kadeppa).[2]
Iti dagus ti amianan ti Trinsera ti Filipinas ket ti Trinsera ti Daya a Luzon. Dagitoy ket naisinsina, ken ti panagtultuloyda ket mapasardeng ken iyallatiw babaen ti Banak Benham iti Plato ti Baybay Filipinas.[2]
Naipagpagarup nga ub-ubing ngem 8–9 a riwriw a tawen ti trinsera ti Filipinas. Ti tengnga a parte ti tukki ti Filipinas a nabukel idi las-ud ti panawen ti Plio-Pleistoseno [13] ken naikeddeng a maysa nga aktibo a depresion iti ukis ti Daga.[14] Nabukel ti trinsera manipud iti maysa a panagdinnnungpar ti nagbaetan dagiti plato ti Palawan ken ti Zamboanga. Gapuanan daytoy ti panagbaliw dagiti heolohiko a proseso a mapmapan iti maysa a sona a pagtumpongan iti maysa a sona ti subduksion. Mabirukan ti sona ti subduksion iti laud agingggana iti daya ti Is-isla ti Filipinas.[13] Ti gatad ti subduksion kadagitoy a plato ket nakarkulo nga agarup a 15 cm iti tunggal maysa a tawen.[2] Ti maysa a pagtumpongan a sona ket mangbeddeng iti agarup a 45% iti Trinsera ti Filipinas ita nga aldaw.[13]
Uray no adda dagiti adu a lugar dagiti sona ti subduksion, adda met dagiti mannurat a nangikeddeng a daytoy a rehion ket addaan iti ababa a seismiko nga aktibidad,[15] ngem nakairehistro met ti USGS kadagiti adu a gingined iti magnitud ≥ 7.2 iti rehion a kas ipakita ti mapa iti kanawan. Ti kaudian, idi 2012 nakasanay ti Trinsera ti Filipinas ti maysa a gingined iti Mw 7.6 (ti Gingined ti Samar idi 2012). Pinuntaanna daytoy ti trinsera iti maysa a hiposentro a kaadalen iti 34.9 km.[15] Dagiti kabangibang a lugar kadagiti sona ti subduksion ket nakasanay iti adu a seismiko nga aktibidad. Idi 1897, nakasanay ti akin-amianan a Samar iti maysa a Ms 7.3 a gingined bayat nga idi met 1924 nakasanay ti akin-abagatan a Mindanao iti Ms 8.2.[15]
Makaabot ti trinsera iti maysa kadagiti kalatakan a kaadalem iti taaw, makatlo laeng iti trinsera ti Marianas ken ti trinsera ti Tonga. Ti kaadaleman a puntona ket ammo a kas ti deepest Kaadaleman ti Galathea ken makaabot iti 10,540 metro (34,580 ft) wenno (5,760 kadeppa).[2]
Ti arinsaed ti trinsera ti Filipinas ket aglaon bassit iti nametamorpiko, calc-alkaliko, batayan, nga ultrabasiko a bato ken dagiti binukel ti darat.[14] Ti akin-abagatan a lugar ti trinsera ket aglaon ti agpapada, asul, pila a lan-ak ken awanan unay idi iti apug. Nabirukan pay nga aglaon dagiti binukel ti darat iti nasadiwa a basaltiko nga andesita.[14] Dagiti nabirukan ng arinsaed kadagiti trinsera ket naipagpagarup a naideposito babaen dagiti turbidad nga agus.[14] Ti maysa a turbidad nga agus ket ti maysa nga agus iti sirok ti danum a napardas nga agayus ken agawit kadagiti arinsaed.
Dagiti ammo a trinsera ket dagiti sumaganad:
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.