Siudad ti Oaxaca
kapitolio a siudad ti Oaxaca, Mehiko / From Wikipedia, the free encyclopedia
Ti siudad ken ili ti Oaxaca de Juárez, wenno simple laeng a ti Oaxaca, ket ti kapitolio ken kadakkelan a siudad ti estado ti Mehiko iti isu met laeng a nagan. Daytoy ket mabirukan idiay Distrito ti Centro iti rehion ti Tengnga a Gingginget ti estado, iti sakaanan dagiti turod ti Sierra Madre iti sakaana ti Cerro del Fortín a gumay-at kadagiti bangkag ti Karayan Atoyac.[2] Nakaro nga agkamkammatalek daytoy a siudad iti turismo, a naibatay iti adu a bilang dagiti estruktura iti panawen ti kolonia ken dagiti pay patneng a Zapoteca ken dagiti kultura ti Mixteca ken dagiti lugar ti arkeolohia.[2] Daytoy ken maikuyog iti lugar ti arkeolohia ti Monte Albán, ket nanagananda a kas Lugar a Tawid ti Lubong idi 1987.[3] Daytoy ket ayan pay ti agpaut iti makabulan a piesta ti kultura a matawtawagan iti "Guelaguetza", a mangilanga iti sala ti Oaxaca manipud kadagiti pito a rehion, musika ken pagpinnintasan para iti indihenio a babbai.[4]
Siudad ti Oaxaca | |
---|---|
Lokalidad ti Mehiko | |
Nagsasabtan: 17°3′38″N 96°43′31″W | |
Pagilian | Mehiko |
Napundar | 1486 |
Kalawa | |
• Dagup | 85.47 km2 (33.00 sq mi) |
Kangato | 1,555 m (5,102 ft) |
Populasion (2014)[1] | |
• Dagup | 300,050 |
• Densidad | 3,500/km2 (9,100/sq mi) |
Sona ti oras | UTC−06:00 |
Kodigo ti koreo | 68000 |
Kodigo ti lugar | 951 |
Website | www |
Daytoy ket nabirngasan iti "la Verde Antequera" (ti berde nga Antequera) gapu iti dati a nagan (Nueva Antequera) ken dagiti nadumaduma nga estruktura a nabangon manipud iti patneng a berde a bato.[5] Ti nagan nga Oaxaca ket naala manipud iti nagan a Nahuatl para iti lugar, ti Huaxyacac, a naipatarus iti Espaniol iti Guajaca ken kanungpalan a nailetra a kas Oaxaca. Nainayon idi ti "de Juárez" a kas pammadayaw kenni Benito Juárez, nga isu ket patubo iti daytoy nga estado. Ti eskudo para iti ili ket mangipakita ti naputolan a Donaji, nga isu ket maysa idi nga indihenio a prinsesa kadagiti tawen iti nabiit a kalpasan ti Panagrukma.[2]