Psidium cattleyanum
sebbangan ti mula / From Wikipedia, the free encyclopedia
Ti Psidium cattleyanum,[2][3] kadawyan nga ammo iti Ingles a kas Cattley guava, strawberry guava wenno cherry guava, ket ti bassit a kayo (2–6 m iti katayag) iti pamilia ti Myrtaceae (mirtus). Ti sebbangan ket nanaganan a kas pammadayaw ken ni William Cattley ti Ingles a hortikulturista. Ti henero a naganna iti Psidium ket agtaud manipud iti Latin iti psidion, wenno "armlet."[4] Ti agbunga iti nalabbasit a karuay a P. cattleyanum var. cattleyanum, ket kadawyan nga ammo iti Ingles a kas ti purple guava, red cattley guava, red strawberry guava ken red cherry guava.[2] Ti agbunga iti duyaw a karuay a P. cattleyanum var. littorale ket ammo iti Ingles a kas ti yellow cattley guava, yellow strawberry guava, yellow cherry guava,[2] lemon guava ken kas ti waiawī iti Hawaii. Uray no ti P. cattleyanum ket addaan kadagiti napili nga ekonomiko nga usar,[2][5][6] daytoy ket naikeddeng a makaraut a mula iti Hawaii.[7][8]
Psidium cattleyanum | |
---|---|
Ti nalabbasit a cattley a bayabas | |
Taksonomia | |
Pagarian: | Plantae |
Klado: | Tracheophytes |
Klado: | Angiospermae |
Klado: | Eudicotidae |
Klado: | Rosids |
Urnos: | Myrtales |
Pamilia: | Myrtaceae |
Henero: | Psidium |
Sebbangan: | P. cattleyanum |
Dua a nagan | |
Psidium cattleyanum Sabine | |
Kapada a nagan[1] | |
|