Papa Juan XXIII
Papa ti Katoliko a Simbaan From Wikipedia, the free encyclopedia
Papa ti Katoliko a Simbaan From Wikipedia, the free encyclopedia
Ni Santo Papa Juan XXIII (Latin: Ioannes XXIII), naipasngay a kas ni Angelo Giuseppe Roncalli (Panangibalikas nga Italiano: [ˈandʒelo dʒuˈzɛppe roŋˈkalli]; 25 Nobiembre 1881 – 3 Hunio 1963), ket maysa a Papa manipud idi 28 Oktubre 1958 aginggana ti ipupusayna idi 1963.
| Santo Papa Juan XXIII | |
|---|---|
 | |
| Panagrugi | 28 Oktubre 1958 |
| Pannakalpas | 3 Hunio 1963 |
| Sinaruno | Pio XII |
| Simmaruno | Pablo VI |
| Dagiti bilin | |
| Ordinasion | 10 Agosto 1904 Giuseppe Ceppetelli |
| Konsekrasion | 19 Marso 1925 Giovanni Tacci Porcelli |
| Napartuat a Kardinal | 12 Enero 1953 |
| Bukod a Salaysay | |
| Nagan a naipasngay | Angelo Giuseppe Roncalli |
| Naipasngay | 25 Nobiembre 1881 Sotto il Monte, Pagarian iti Italia |
| Pimmusay | 3 Hunio 1963 (tawen 81) Siudad ti Batikano |
| Pasasao | Oboedientia et Pax |
| Eskudo |  |
| Pannakasanto | |
| Piesta nga aldaw | 11 Oktubre |
| Beatipikado | 3 Septiembre 2000 Kuadrado ni San Pedro, Siudad ti Batikano Papa Juan Pablo II |
| Kanonisado | 27 Abril 2014 Kuadrado ni San Pedro, Siudad ti Batikano Papa Francisco |
| Dagiti sabali pay a Papa nga agnagan ti Juan | |
Ni Angelo Giuseppe Roncalli ket isu idi ti maikapat kadagiti sangapulo ket uppat nga annak a naipasngay a nagtataeng idiay purok ti Lombardia.[1] Isu ket naordinado a kas padi idi 10 Agosto 1904 ken nagserbi kadagiti nadumaduma a puesto, a mairaman ti papal nuncio idiay Pransia ken delegado idiay Bulgaria, Gresia ken Turkia. Iti kosistorio idi 12 Enero 1953, ni Papa Pio XII ket inaramidna ni Roncalli a kardinal ken kas ti Kardinal-Padi ti Santa Prisca ken maipatinayon pay a nainaganan pay a kas ti Patriarka ti Benisia.
NI Roncalli ket nabutosan a kas papa idi 28 Oktubre 1958 iti edad ti 76 kalpasan kadagiti 11 a balota. Saan a nanamnama ti pannakabutosna, ken ni Roncalli ket napan idiay Roma nga addaan iti biliete ti tren nga agsubliidiay Benisia. Isu ti immuna a papa nangala ti nagan ti papa iti "Juan" kalpasan ti pannakabutosna kadagiti ad-adu ngem 500 a tawen, ken ti pannakapilina ket nakaikeddengan ti komplikado a saludsod ti opisial a pannakaibilang a pannakaikapet iti naganna a papa gapu ti antipapa iti daytoy a nagan.
Ni Papa Juan XXIII ket nangsurpresa kadagiti nangnamnama kania a kas maysa a mamngimaton a papa babaen ti panagtawag ti historiko a Maikadua a Konseho ti Batikano (1962–65), ti immuna a gimong a nailukat idi 11 Otubre 1962. Isu ket saan a nagbiag a nakakita ti pannakakompletona. Ni JUan ket pimmusay iti kanser ti tian idi 3 Hunio 1963, uppat ken kagudua a tawen kalpasan ti pannakabutosna ken dua a bulan kalpasan ti pannakakompleto ti kanungpalan ken naindayegan nga ensiklikalna, Pacem in Terris.
Dagiti naregget a pannakaimatanganna iti panagpapada ket naipakpakita iti naindayegan nga insaona: 'Naaramidtayo amin iti langa ti Dios, isu nga agpapada tayo amin kenni Apo Dios.'[2] Ni Juan XXIII ket nagaramid kadagiti adu a naregget a bitla iti las-ud ti kinapapana, ti maysa ti aldaw a panangirangarangna ti Maikadua a Konseho ti Batikano iti tengnga ti rabii kadagiti naurnong a tattao idiay Kuadrado ti San Pedro: "Naemma nga Annak, iti panagawidyo, makabiruk kayo kadagiti ubbing: appukuenyo dagiti annakyo ken kunayo ket: Daytoy ti appukuen ti Papa!" [3]
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.
