Pagsasao a Norwego

Ti Norwego^[2] (norsk) ket Amianan a Hermaniko a pagsasao a kaaduan a naisasao idiay Norwega, nga idiay ket opisial a pagsasao daytoy. No kakuyogna ti Sueko ken Danes, ti Norwego ket mangporma ti lugar iti ad-adu wenno basbassit a maitunos a pannakaawat iti llokal ken dagiti rehional a karuay.

Norwego
norsk
Pannakabalikas	[nɔʂk] (Akin-daya a Norwego) [nɔʁsk] (Lumaud a Norwego)
Patubo iti	Norwega
Patubo a mangisasao	[1]
Pamilia	Indo-Europeano Hermaniko Amianan a Hermaniko Laud nga Eskandinabia Norwego
Dagiti alagaden a porma	Nynorsk (opisial) / Høgnorsk (saan nga opisial) Bokmål (opisial) / Riksmål (saan nga opisial)
Panagsurat	Latin (Norwego nga abesedario) Norwego a Braille
Dagiti napirmaan a porma	Napirmaan a Norwego
Opisial a kasasaad
Opisial a mangisasao	Norwéga Konseho ti Nordiko
Nagalagad	Konseho ti Pagsasao a Norwego (Bokmål ken Nynorsk) Norwego nga Akademia (Riksmål)
Kodkodigo ti pagsasao
ISO 639-1	no, nb, nn
ISO 639-2	nor, nob, nno
ISO 639-3	nor – inklusibo a kodigo Agmaymaysa a kodkodigo: nob – Bokmål nno – Nynorsk
Linguaesperio	52-AAA-ba aginggana ti -be; 52-AAA-cf aginggana ti -cg
Aglaon daytoy nga artikulo kadagiti simbolo ti ponetiko ti IPA. No awan ti maitunos a suporta ti panangipaay, mabalin a makitam dagiti marka-ti-saludsod, kahon, wenno sabali pay a simbolo imbes a dagiti karakter ti Unicode.

Dagitoy a sasao nga Eskandinabia a kakuyogna ti pagsasao Peroes ken pagsasao nga Islandes, ken dagiti pay natayen a pagsasao, ket mangbukel ti sasao nga Amianan a Hermaniko (tinawtawagan pay ti sasao nga Eskandinabia). Ti Peroes ken ti Islandes ket saan unay a maitunos a maawatan iti Norwego ken ti naisasao a pormana gapu ta ti kontinental nga Eskandinabia ket naiyallatiwen kaniada.

Kas binagon babaen ti linteg ken ti annuroten ti gobierno, adda met dagiti dua nga opisial a porma ti naisurat a Norwego – Bokmål (literal a "dila ti libro") ken Nynorsk (literal a "baro a Norwego"). Ti Ti Konseho ti Pagsasao a Norwego ket isu ti akin-rebbeng para iti panagtaripato kadagitoy dua a porma, ken mangisingasing kadagiti termino a "Norwegian Bokmål" ken "Norwegian Nynorsk" iti Ingles. Adda pay dagiti dua a sabali a naisurat a porma nga awan ti kasasaad, ti nangruna ket ti Riksmål ("nailian a pagsasao"), a daytoy ket as-asideg iti pagsasao a Danes ngem tatta nga aldaw ket kapadpada metten a pagsasao iti Bokmål. Daytoy ket tinartaripato babaen ti Norwego nga Akademia, a mangipatarus ti nagan a kas "Alagaden a Norwego". Ti sabali pay ket ti Høgnorsk ("Nangato a Norwego") a daytoy ket ad-adu a purista a porma ti Nynorsk, a mangtaripato ti pagsasao iti maysa a kasisigud a porma a kas inted babaen ni Ivar Aasen ken mangliklikud kadagiti kaaduan a reporma manipud iti maika-20 a siglo. Daytoy a porma ti Nynorsk ket limitado laeng ti pannaka-usarna.

Dagiti nagibasaran

1. Norwego iti Ethnologue (maika-17 nga ed., 2013)
   Bokmål iti Ethnologue (maika-17 nga ed., 2013)
   Nynorsk iti Ethnologue (maika-17 nga ed., 2013)
2. Rubino, Carl Ralph Galvez (2000). "Norwego". Ilocano Dictionary and Grammar: Ilocano-English, English-Ilocano (iti Ingles ken Ilokano). University of Hawaiʻi Press. p. 707. ISBN 978-0-8248-2088-6.

Bibliograpia

• Olav T. Beito, Nynorsk grammatikk. Lyd- og ordlære, Det Norske Samlaget, Oslo 1986, ISBN 82-521-2801-7
• Jan Terje Faarlund, Svein Lie, Kjell Ivar Vannebo, Norsk referansegrammatikk, Universitetsforlaget, Oslo 1997, 2002 (maika-3 nga edision), ISBN 82-00-22569-0 (Bokmål ken Nynorsk)
• Rolf Theil Endresen, Hanne Gram Simonsen, Andreas Sveen, Innføring i lingvistikk (2002), ISBN 82-00-45273-5
• Arne Torp, Lars S. Vikør (1993), Hovuddrag i norsk språkhistorie (3.utgåve), Gyldendal Norsk Forlag AS 2003

Dagiti akinruar a silpo

• Diksionario ti Norwego-Ingles (2) Naiyarkibo 2013-06-01 iti Wayback Machine
• Apertium Patarus kadagiti balikas, teksto wenno dagiti website (URL) kadagiti nagbaetan ti Norwego a Nynorsk ken Norwegio a Bokmål.