From Wikipedia, the free encyclopedia
Ti Nasalakniban a Ladawan ti daga ti Lidlidda, ammo pay a kas ti Nasalakniban a Ladawan ti daga ti Lidlidda–Banayoyo, ket ti maysa a nasalakniban a lugar dagiti masna nga ubbog ken dagiti bakir ti kaarrubayan a bantay iti Ilocos Sur iti isla ti Luzon iti Filipinas. Daytoy ket maysa a nangruna a lugar ti pagbibingayan iti danum a mangited kadagiti kammasapulan iti agrikultura ken mainum a danum kadagiti komunidad ti Lidlidda ken Banayoyo. Daytoy ket napundar idi 1936 a kas ti Lidlidda Watershed Forest Reserve babaen ti Proklamasion Blng. 79 a pinirmaan babaen ni Presidente Manuel Luis Quezon nga agraman iti naiyuna a kalawa iti 1,228 ektaria (3,030 acre).[1] Idi 2000, babaen ti National Integrated Protected Areas System, daytoy ket naidesignado manen a kas maysa a lugar ti nasalakniban a ladawan ti daga a mangsakop iti agdama a kalawana iti 1,157.44 ektaria (2,860.1 acre).[2]
Nasalakniban a Ladawan ti daga ti Lidlidda | |
---|---|
Nasalakniban a Ladawan ti daga ti Lidlidda–Banayoyo | |
Kategoria V ti IUCN (nasalakniban a ladawan ti daga/ladawan ti baybay) | |
Lokasion | Ilocos Sur, Filipinas |
Kaasitgan a siudad | Candon |
Nagsasabtan | 17°15′27″N 120°32′4″E |
Kalawa | 1,157.44 ektaria (2,860.1 acre) |
Nabangon | Agosto 17, 1936 (reserba ti bakir ti pagbibingayan ti danum) Abril 23, 2000 (Nasalakniban a ladawan ti daga) |
Mangituray a bagi | Departamento ti Enbironmento ken dagiti Masna a Rekurso |
Ti lugar ti nasalakniban a ladawan ti daga ti Lidlidda ket mangiraman kadagiti parte ti tangkig nga ili ti Lidlidda ken Banayoyo, ken ti pay bassit a paset ti ili ti San Emilio iti Ilocos Sur.[1] Daytoy ket aglaon kadagiti nadumaduma a masna nga ubbog, dagiti dissuor, dagiti karayan, dagiti waig ken dagiti alog a mairaman dagiti karayan ti Lidlidda ken Candon, ken dagiti pay waig ti Danglas, Cabunao ken Laolaoed.[1][3] Daytoy ket addaan iti kabanbantayan a topograpia iti 30%-50% a bangkirig iti bakras nga addaan iti kangatuan nga elebasion iti 400 metro (1,300 ft) iti ngato ti pantar ti baybay.[3] Ti komposision ti dagana ket naidasig a kas kayumanggi a sandy loam.[4] Mangiraman pay ti parke iti 40-ektaria (99-acre) a lugar iti konserbasion nga ammo a kas ti Paraesus Verde (Berde a Paradiso) a tinartaripato babaen ti yunit ti lokal a gobierno ti Lidlidda iti Poblacion Norte.[3]
Kadagiti sebbangan ti kayo a mabirukan iti lugar ket ti teak, molave, raintree, tibig, akleng parang ken narra.[4]
Maserekan ti parke babaen ti Nailian a Kalsada ti Santiago–Banayoyo–Lidlidda–San Emilio–Quirino manipud iti nangruna a highway ti Kalsada Amianan ti Manila iti Santiago iti amianan bassit ti Candon. Mabalin pay a maserrekan daytoy manipud iti siudad ti Vigan iti amianan babaen ti Kalsada ti Santa Maria–Burgos.
Seamless Wikipedia browsing. On steroids.
Every time you click a link to Wikipedia, Wiktionary or Wikiquote in your browser's search results, it will show the modern Wikiwand interface.
Wikiwand extension is a five stars, simple, with minimum permission required to keep your browsing private, safe and transparent.